
Dayik û 2 zarokên wê yên jiyana xwe ji dest dan li Hezexê hatin definkirin

2019-10-11 14:25:33


	ŞIRNEX - Dayik û 2 zarokên wê yên li navçeya Nisêbînê di encama roketa li mala wan ket de jiyana xwe ji dest dan li navçeya Hezexê hatin definkirin.&nbsp;

	Piştî êrîşên Tirkiyeyê yên li dijî Bakur û Rojhilatê Sûriyeyê dest pê kirin, roketek li maleke li navçeya Nisêbîn a Mêrdîn ku li ser xeta sînor bû ket. Di encama lêketina roketê de, dayik û du zarokên wê jiyana xwe ji dest dan. Cenazeyê Fatma Yildiz a 47 salî, du zarokên wê Leyla Yildiz a 16 sal û û Emîne Yildiz a 12 salî yên jiyana xwe ji dest dan, serê vê sibê ji Nisêbînê anîn gundê Fîlfê yê navçeya Hezex a Şirnêxê. &nbsp;

	&nbsp;

	Her 3 cenaze piştî duayan, hatin definkirin. Xizmên 3 kesên jiyana xwe ji dest dan ên beşdarî merasîma cenazeyê bûn, diyar kirin ku ew şer naxwazin, ew aştiyê dixwazin.&nbsp;

	&nbsp;

	Hevşaredarên Hezexê Songul Erden û Mûrat Şen û gelek kes beşdarî merasîma cenazeyan bûn.&nbsp;

	&nbsp;