
Xizmên windayan: Dosyeya Ceylan Onkol bêceza hat hiştin 

2019-09-28 14:53:29


	AMED / ÊLIH – Xizmên windayan û Şaxên ÎHD’ê dan zanîn ku dosyeya Ceylan Onkol jî wek dosyeyên kiryar nediyar bêcezakirin ma.&nbsp;

	Şaxa Komeleya Mafên Mirova (ÎHD) a Amedê û xizmên windayan di hefteya 555’emîn de çalakiya “Bila winda bên dîtin û kûjer bên darizandin” li ber avahiya ÎHD’ê li dar xistin. Rêveberên ÎHD’ê û xizmên windayan û Hevşaredarê Amedê Selçûk Mizrakli yê ji wezîfeyê hat dûrxistin beşdarî çalakiyê bûn û wêneyên windayan hildan.&nbsp;

	&nbsp;

	‘DENGÊ DAYIKA DENGÊ HEQÎQETÊ YE’&nbsp;

	&nbsp;

	Rêveberê ÎHD’ê Adnan Orhan di çalakiyê de ewilî axivî û got: “Dengê van dayikan dengê edalet û heqîqetê ye. Heta niha ji bo dîtina kujeran darazê gavek erênî neavêtiye. Li şûna cezakirina kujeran wan xelat dikin. Hûn neçarin hesabê windayên me bidin.”&nbsp;

	&nbsp;

	‘PÊWÎSTE EDALET PÊK WERE’&nbsp;

	&nbsp;

	Hevşaredarê Amedê Selçûk Mizrakli jî got: “Lazime êdî dayik bigîhîjin hestiyên zarokên xwe. Ji bo edalet derkeve holê pêwîste edalet were tesîskirin. Edalet pêk were dê çîrok ji nûve were nivîsandin.”&nbsp;

	&nbsp;

	‘DOSYEYA ONKOL JÎ BÊCEZA HAT HIŞTIN’&nbsp;

	&nbsp;

	Rêveberê ÎHD’ê Hasan Yalçin jî qetilkirina Ceylan Onkol a di 28’ê Îlona 2009’an de li mezraya Xanbaz a Licê ya bi gula hawanê hat kuştin bi bîr xist. Yalçin da zanîn ku dosyeya Ceylan Onkol jî wek dosyeyên kiryar nediyar bêcezakirin ma û ew ê heta dawiyê têkoşîna hiqûqê birêve bibin.&nbsp;

	&nbsp;

	ÇÎROKA MEHMET YANEN Û HASAN KANAT&nbsp;

	&nbsp;

	Yalçin çîroka windakirina Mehmet Yanen û Hasan Kanat ên di 17’ê tîrmeha 1994’an de li gundê Seyar ê girêdayî navçeya Hênê ya Amedê hatin binçavkirin û windakirin xwend.&nbsp;

	&nbsp;

	Piştî 5 deqîqe rûniştinê çalakî bi dawî bû.&nbsp;

	&nbsp;

	ÊLIH&nbsp;

	&nbsp;

	Li Êlihê jî Şaxa ÎHD’ê û xizmên windayan di hefteya 461’emîn de çalakiya “Bila winda bên dîtin û kujer bên darizandin” li avahiya ÎHD’ê li dar xistin. Parlamentera HDP’ê ya Êlihê Ayşe Acar Başaran û xizmên windayan beşdar bûn. Rêveberê ÎHD’ê Mahfuz Akgul axivî û anî ziman ku heta ku aqûbeta windayan eşkere bibe dê têkoşîna xwe dewam bikin.&nbsp;

	&nbsp;

	Akgul di daxuyaniya vê hefteyê de xwest ku cînyeta Haci Sancak ê di sala 1993’an de li navçeya Cizîrê ya Şirnexê hat revandin û kuştin û pişt re cenaze dan malbata wî bê ronîkirin.&nbsp;

	&nbsp;

	Piştî rûniştina 5 deqîqeyan çalakî bi dawî bû.&nbsp;