
Nobeta Demokrasiyê li Wanê di roja 39'an de berdewam kir

2019-09-26 13:46:24


	WAN - Çalakiya Nobeta Demokrasiyê ya li dijî tayinkirina qeyûman, li Wanê di roja 39'an de berdewam kir.&nbsp;

	&nbsp;

	Wezîrê Karên Hundir di 19'ê Tebaxê de, qeyûm tayînî şaredariyên bajarên Wan, Amed û Mêrdînê kiribûn. Nobeta Demokrasiyê ya li dijî tayinkirina qeyûman a li Wanê di roja 39'an de berdewam kir. Nobeta Demokrasiyê îro jî bi tilîlî û bi çepikan dewam kir. Parlamenterên HDP'ê Murat Sarisaç, Mensur Işik, Berdan Ozturk, Nûran Îmîr, Hevserokên Şaredariya Bajarê Mezin ên Wanê yên ku dewsa wan qeyûm hatin tayinkirin, Bedia Ozgokçe û Mustafa Avci, Hevserokên navçeyan, Aktivîstên Tevgera Jinên Azad (TJA), Endamên Meclîsa Dayikên Aştiyê û gelek kes beşdarî nobeta demokrasiyê ya li ber Avahiya HDP'ê ya Navçeya Îpekyoluyê bûn. &nbsp;Komê di çalakiyê de pankarta "Ne îradeya qeyûm, îradeya gel" hilgirtin. Parlamenterê HDP'ê yê Agiriyê Berdan Ozturk axivî. Berdan diyar kir ku AKP bi kaos û şer xwe xwedî dike û têkoşîna wan a li dijî polîtikayên şer ew ê dewam bike.&nbsp;

	&nbsp;

	Piştî axaftinan welatiyên ku dest bi nobeta rûniştinê kirin dirûşmên "Hevserokatî xeta me ya mor e","Em ê serî hildin û bi ser bikevin"Jin Jiyan Azadî" berz kirin.&nbsp;

	&nbsp;

	Çalakiya rûniştinê bi stran, tilîlî û çepikan bi dawî bû.&nbsp;