
KCD: Biryara doza KCK'ê nîjadî û polîtîk e                            

2019-09-26 10:31:02


	AMED - Kongreya Civaka Demokratîk (KCD) erêkirina cezayên siyasetmedarên kurd bi daxuyaniyeke nivîskî şermezar kir û ragihand ku biryar doza KCK'ê nîjadî, dijminane, wêdekirin, bîrdozî û polîtîk e.

	Dadgeha Bilind, beriya çend rojan cezayên ku di doza KCK’ê de li siyasetmedarên kurd hatibûn birîn nirxand û parlamenterên HDP'ê Pero Dundar, Mûsa Farisogullari û Leyla Guven jî di nav de cezayê gelek siyasetmedarên kurd erê kir. Kongreya Civaka Demokratîk (KCD) têkildarî mijarê daxuyaniyeke nivîskî da û erêkirina cezayên siyasetmedarên kurd şermezar kir.

	&nbsp;

	COTSTANDARTÎ PÊK ANÎN

	&nbsp;

	KCD’ê bi bîr xist ku doza KCK’ê piştî darizandina deh salan bi encam bûye û wiha got: “Bi awayekî yekser di raporên ku ji hêla Serokkomariyê ve hatin amadekirin de hat diyarkirin ku ev kumpas operasyona FETO’yê ye û di dîroka hiqûqa qada Navnetewî de bûye lekeyek reş. Dozên Ergenekon û Balyozê ji ber van sedeman bi serbestberdanê encam bûn û hatin xistin, lê mixabin li hemberî doza KCK’ê ya berhemê heman kumpasê bû cotstandartî pêk hat.”

	&nbsp;

	BIRYAR NENASKIRINA HIQÛQÊ YE

	&nbsp;

	KCD’ê da zanîn ku Dadgeha Bilind bi biryara xwe xwedî li qirkirina siyasî ya ku ji aliyê tifaqa faşizan ya AKP-MHP’ê ve li dijî kurdan tê pêşxistin derketiye û cezayan erê kiriye û ev tişt got: “Tifaqa Faşîst ya AKP-MHP bi giştî siyaseta demokratik û bi taybetî jî armanc kiriye ku siyaseta kurd a demokratîk tasviye bike û ev yek bi sepandin û polîtîkayan di şexsê doza KCK’ê de hatine kûrkirin. ‘Biryara’ Doza KCK’ê îfadekirina nasnekirine zagon û hiqûqê ye.”

	&nbsp;

	ARMANC FETISANDINA SIYASETA DEMOKRATÎK E

	&nbsp;

	Di berdewamê de KCD’ê destnîşan kir ku biryar biryareke nîjadî, dijminane, wêdekirin, bîrdozî û polîtîk e û ev tişt anîn ziman: “Bi vê biryarê, hevseroka me Leyla Guven û Endamê Dîwana Hevserokatiya me Mûsa Farisogûllari jî di nav de di şexsê şexsê sedan siyasetmedarên kurd de, armanca fetisandina siyaseta demokratîk û muxalefetê hatiye kirin ku ev biryar qesta li dijî gelên Tirkiye, demokrasî, hiquqa gerdûnî û bi taybetî li dijî yekîtî û biratiya gelên me ye.”

	&nbsp;

	BANG LI SAZIYÊN NAVNETEWEYÎ&nbsp;

	&nbsp;

	KCD’ê di daxuyaniya xwe de bang li Parlementoya Ewropa, Konseya Ewropa, Yekîtiya Netewî û saziyên netewî û navnetewî yên hiqûqê kir û xwest ku li hemberî vê biryarê, li nirxên hiqûqa gerdûnî û edaletê xwedî derkevin û piştgiriya siyaseta Demokratîk a Kurd bikin. KCD’ê her wiha ji gelê kurd, gelên Tirkiye’yê û saziyên demokratîk ên siyasetê jî kir xwest ku li dijî vê biryarê helwesta xwe nîşan bidin.

	&nbsp;

	&nbsp;

	&nbsp;