
Biryara hinceta Doza JÎTEM’a Qoserê: Beyan razber in û delîlên teqez nînin 

2019-09-18 14:29:56


	ENQERE – Biryara hinceta Doza JÎTEM’ê ya Qoserê hat eşkerekirin. Îfadeyên şahid û muştekiyan ên derbarê bersûcan de razber hat dîtin û rêxistina JÎTEM’ê ya di ewraqên fermî yên dewletê de jî hat redkirin.&nbsp;

	&nbsp;

	Li navçeya Qosera Mêrdînê di navbera salên 1992-1996’an de 22 welatî ji aliyê esker û cerdevanan ve hatibûn kuştin. Derbarê bûyerê de doz hat vekirin. Navê “Doza JÎTEM’ê ya Qoserê” lê hat kirin. Biryara hênceta dozê hat eşkerekirin. Di tîrmeha 2014’an de îdianame hat amadekirin. 9 kes bersûc di îdianameyê de hebûn. Serkêşê 9 kesan fermandarê wê demê yê Qoserê Hasan Atîlla Ugur e. Ugur bi “rêxistina çekdarî avakirin, birêvebirin, bi qestî kuştin, kes ji azadiya wî hiştin û îşkence kirinê” hat sûcdarkirin. Bersûcên din Ahmet Boncuk, Unal Alkan, Abdurrahman Kurga, Ramazan Çetîn, Mehmet Emîn Kurga, Îsmet Kandemîr, Eşref Hatîpoglu û Mehmet Salîh Kilinçaslan jî ji “endamê rêxistina çekdarî, bi qestî kuştin û kes ji azadiya wî hiştin û îşkence kirinê” hatin sûcdarkirin.

	&nbsp;

	DOZGER Û DADGER BERAT KIRIBÛN

	&nbsp;

	Di danişîna 28’ê gulanê de dozger mutala xwe eşkere kiribû û xwestibû bersûcên wek “qatil” tên nirxandin bên beratkirin. Di 9’ê îlonê de danişîna biryara dozê hat dîtin û heyeta dadgehê diyar kir ku ji ber dembihûriyê doz ketiye û derbarê hemû bersûcan de biryara beratê da.&nbsp;

	&nbsp;

	BEYANÊN ŞAHIDAN RAZBER DÎT&nbsp;

	&nbsp;

	233 rûpel biryara hincetê hat eşkerekirin. Di hêncetê de cih dide hemû hûrguliyên dozê. 5’emîn Dadgeha Cezayê Giran a Enqereyê hincetê eşkere kir. Heyeta dadgehê di hênceta eşkere kir de beyanên hemû şahidan wek razber nirxand û heyetê pênasekirina JÎTEM’ê jî nas nekir. Di hêncetê de îfadeyên şahid û muştekiyan ên derbarê bersûcan de razber hat dîtin û navê rêxistina JÎTEM’ê ya di ewraqên fermî yên dewletê de jî hat redkirin.&nbsp;

	&nbsp;

	Piştî eşkerekirina biryara hêncetê tê payîn dê parêzerên mexdûran îtîrazî dadgehek bilindttir bikin. Dema serlêdana parêzeran neyê qebûlkirin dê li ser vê yekê serî li Dadgeha Îstînafê bidin.&nbsp;

	&nbsp;