
HDP li dijî qeyûman kampanya îmzeyan dide destpêkirin

2019-09-13 11:10:26


	ENQERE - DRN'a HDP'ê biryar da ku têkoşîna li hemberî qeyûman bibe metropolên Tirkiyeyê û bi şîara "Dest Nede Vîna Min" kampanya îmzeyan bide destpêkirin.&nbsp;

	Desteya Rêveberiya Navendî (DRN) ya Partiya Demokratîk a Gelan (HDP) duh di bin serokatiya Hevserokê Giştî Sezaî Temellî de li hev civiya. Rojeva bingehîn a DRN'ê serdana Herêma Federa ya Kurdistanê, tayînkirina qeyûman a ser 3 şaredariyên bajarên mezin ên HDP'ê û careke din rawestandina hevdîtinên bi Rêberê PKK'ê Abdullah Ocalan re bûn.&nbsp;

	&nbsp;

	DÊ HEVDÎTIN BIDOMIN&nbsp;

	&nbsp;

	Hat ragihandin ku di serdana berfireh a Herêma Federa ya Kurdistanê de têkildarî yekitiya neteweyî û çareseriya Pirsgirêka Kurd hevdîtinên girîng hatine kirin.&nbsp;

	&nbsp;

	Dîsa hat diyarkirin ku di hevdîtinên Herêma Federa ya Kurdistanê de li hemberî êrîşên li dijî deskeftiyên kurdan li ser sekneke hevpar hatiye rawestandin û têkildarî mijarê bi hikumeta Herêma Federa ya Kurdistanê û partî û rêxistinên siyasî yên herêmê re fikreke hevpar derketiye holê.&nbsp;

	&nbsp;

	Girîngiya berdewamkirina serdanên Herêma Federa ya Kurdistanê hat destnîşankirin.&nbsp;

	&nbsp;

	'DEST NEDE VÎNA MIN'

	&nbsp;

	Biryar hat girtin ku çalakiyên li dijî qeyûman bên berdewamkirin, xeta têkoşînê bê bilindkirin û çalakiyên cuda bên lidarxistin. Hat xwestin ku çalakiyên li Amed, Mêrdîn û Wanê li Metropolên Tirkiyeyê bên berbelavkirin.

	&nbsp;

	Dîsa biryar hat girtin ku li dijî tayînkirina qeyûman bi şîara "Dest Nede Vîna Min" kampanya îmzeyan bê destpêkirin û serlêdana sûc bê kirin.

	&nbsp;

	AKP-MHP'ê ZEMÎNA DIYALOGÊ TERK KIRIN

	&nbsp;

	Hat destnîşankirin ku rawestandina hevdîtina parêzeran a bi Rêberê PKK'ê Abdullah Ocalan û tayînkirina qeyûman girêdayî hev in.&nbsp;

	&nbsp;

	Peyama Ocalan a hevdîtina dawîn, 'Di nav hefteyekê de dikarim îhtîmala şer ji holê rakim. Ez ê çareser bikim, bi xwe bawer im, ji çareseriyê re amade me. Lê divê aqlê dewletê jî tişta pêwîst bike' jî hat nirxandin û hat diyarkirin ku li dijî vê peyamê desthilata AKP-MHP'ê neçareserî û polîtîkayên şer ji xwe re esas girtine.&nbsp;

	&nbsp;

	Hat destnîşankirin ku muxatabê çareseriya Pirsgirêka Kurd Ocalan e, ji bo dawîkirina tecrîdê û destpêkirina axaftina aştiyê pêwîstî bi têkoşînê heye.&nbsp;

	&nbsp;

	WÊNEYÊ TENGAZERIYA AKP'Ê&nbsp;

	&nbsp;

	Banga Serokkomar Recep Tayyîp Erdogan û wezîran a ji bo çûyîna ber derê Avahiya HDP'ê ya Amedê jî weke wêneyê tengazeriya AKP'ê hat nirxandin&nbsp;

	&nbsp;

	MA / Berîvan Altan

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;