
Li Amedê çalakiya rûniştinê di roja 15’an de didome

2019-09-02 12:43:54


	&nbsp;

	AMED – Li Amedê çalakiya rûniştinê ya li dijî tayînkirina qeyûm di roja 15'an de didome. Girsê bê navber dirûşmeya “Ev hêj destpêk e." berz kirin.

	&nbsp;

	Piştî wezîrê Karen hundir Suleyman Soylu di 19'ê Tebaxê de qeyûm tayinî ser şaredariyên HDP’ê yên Wan, Mêrdîn û Amedê kir, hilbijêrên HDP’ê ku ji parlamenter, hevşaredar, rêveber û endamên meclîsa şaredariyan pêk tên 15 rojin li kolana Lîseyê çalakiya rûniştinê li dar dixin. Îro jî hilbijêr dîsa li Kolana Lîseyê kom bûn û dest bi çalakiya rûniştinê kirin. Girsê li kolanê bê navber dirûşmeya “Ev hêj destpêk e, têkoşîn didome." berz kirin û bertekên xwe anîn ziman. Dîsa gelek parlamenter, hevşaredar û hilbijêrên HDP’ê di çalakiyê de cihê xwe girtin. Meclîsa Şaredariya Rezan jî bi pankarta “Dest nede vîna min" tev li çalakiyê bû. Di çalakiyê de kursiya serbes hat avakirin û welatiyan bertekên xwe anîn ziman. Li vir stran gotin, helbest xwendin û axaftin kirin. Çalakgeran di çalakiyê de bi fîrfîrkan qeyum şermezar kir. Tê payin ku Seroka Giştî ya EMEP'ê Selma Gurkan û Koma Jinan a Berxwedanê ya Amedsporê jî tev li çalakiyê bibin.&nbsp;

	&nbsp;

	&nbsp;

	&nbsp;

	&nbsp;