
Di çalakiya rûniştinê de banga ‘yekîtiya neteweyî’ hat kirin 

2019-08-29 14:39:40


	&nbsp;

	AMED – Ciwanên Neteweyî yên Kurdistanê çalakiya rûniştinê ya li dijî qeyûman ziyaret kir. Berdevkê Ciwanan Jiyan Tîmûrtaş got pêwîste gelê kurd di bin sîwana yekîtiya neteweyî de kom bibin.&nbsp;

	&nbsp;

	Çalakiya rûniştinê ya HDP’ê ya li dijî tayînkirina qeyûman a li Amedê di roja 11’emîn de dewam kir. Çalakî li Kolana Lîseyê li hemberî avahiya şaredariyê pêk tê. Parlamenterên HDP’ê, hevşaredarên HDP’yî û gelek welatî beşdarî çalakiyê bûn. Platoforma Şêwirmendên Darayî meşiyan û beşdarî çalakiyê bûn. Endamên Platformê dovîzên “Qeyûm darbe ye”, “Ez dengê xwe paş ve dixwazim” hildan û pankarta “Dest nede vîna min” vekirin. Endamên Platformê ji aliyê çalakvanan ve bi çepikan hatin pêşwazîkirin.&nbsp;

	&nbsp;

	‘EM QEYÛMÊN WAN NAS NAKIN’&nbsp;

	&nbsp;

	Beriya daxuyanî were dayîn welatiyan bi dirûşm, stran û lîlandinê berteka xwe nîşanî qeyûm dan.&nbsp;

	&nbsp;

	Parlamentera HDP’ê ya Amedê Salîha Aydenîz beriya daxuyaniyê da zanîn ku ew ê di çarçoveyek demokratîk de berteka xwe bînin ziman û got: “Em ê her roj li qadan bin. Em qeyûmên wan nas nakin.”&nbsp;

	&nbsp;

	‘QEYÛM TAYÎNÎ HER DEVERÊ HATIYE KIRIN’&nbsp;

	&nbsp;

	Hevseroka Rêxistina HDP’ê ya Amedê Hulya Alokmen Uyanik jî axivî û got: “Li gelê me neheqî hat kirin. Ev neheqî li ber çavê her kesî hat kirin. Qeyûm tenê tayîn ser 3 şaredarên me nehatine kirin. Tayînî ser hemû bajarên Tirkiyeyê hatine kirin. Bajarên din bila nebêjin ‘em azad in.’ Qeyûm tayînî her deverê hatiye kirin.”&nbsp;

	&nbsp;

	‘PÊDIVIYA WELAT BI NÊVENGA DEMOKRATÎK HEYE’&nbsp;

	&nbsp;

	Endama Platforma Şêwirmendên Darayî Amîne Demîr jî destnîşan kir ku ew dixwazin kesên di sindoqan de hatine bijartin bajarê wan birêve bibin û got: “Pêdiviya welatekî herî zêde bi nêvenga demokratîk heye. Em çûn ser sindoqan û me xwest yên tên hilbijartin me birêve bibin. Em ji qeyûmê nîvê şevê ji nişkeve hat re dibêjin na.”

	&nbsp;

	BANGA YEKÎTIYA NETEWEYÎ&nbsp;

	&nbsp;

	Berdevkê Ciwanên Neteweyî yên Kurdistanê Jiyan Tîmûrtaş jî diyar kir ku qeyûmên hatin tayînkirin karmendên mêtingeriyê ne û ew van karmendan qebûl nakin. Tîmûrtaş anî ziman ku pêwîste kurd li dijî feraseta qeyûman û dagirkeriyê bisekine û pêwîste gelê kurd di bin sîwana yekîtiya neteweyî de kom bibin.&nbsp;

	&nbsp;

	Piştî axaftinan çalakiya rûniştinê ya 10 deqîqeyan pêk hat û dû re girse bi lêdana çepikan belav bû.&nbsp;

	&nbsp;