
Xarpêtiyan tayînkirina qeyûman şermezar kir

2019-08-27 16:41:55


	&nbsp;

	XARPÊT - Parlamenterê HDP'ê Mûsa Farisogûllari ku li Xarpêtê tevlî çalakiya şermezarkirina tayînkirina qeyûman bû, diyar kir ku êrîşên li dijî destkeftiyên gelê kurd dê bi gelên Tirkiyeyê nede qezenckirin.&nbsp;

	&nbsp;

	Tayînkirina qeyûman a ser şaredariyên bajarên mezin ên Amed, Mêrdîn û Wanê, li Xarpêtê bi daxuyaniyeke çapameniyê hat şermezarkirin. Di daxuyaniya ku parlamenterê HDP'ê Mûsa Farisogûllari û rêveberên HDP'ê tevlî bûn de pankarta li serê nivîsa "Qeyûm; darbeya li vîna gel e, xesp e. Rojanekirina Plana Islahatê ya Şerqê ye. Xespkirina mafên jinan ên hatin bidesxistin e. Em qeyûman qebûl nakin." nivîsandîbû hat vekirin.&nbsp;

	&nbsp;

	Parlamenter Farisogûllari diyar kir ku êrîşên li dijî destkeftiyên gelê kurd dê bi gelên Tirkiyeyê nede qezenckirin û wiha got: "Îro roja helwest nîşandinê ye. Divê li dijî polîtîkayên xespkirinê em bertekên xwe yên demokratîk bi pêş bixin. Feydeya qirkirina gelê kurd ji tu kesî re tuneye. Em ê li dijî vê yekê berxedana xwe ya demokratîk li her derê bidomînin."

	&nbsp;

	Daxuyanî bi çalakiyê rûniştinê bi dawî bû.&nbsp;

	&nbsp;