
Serokên DÎSK, KESK, TTB û TMMOB'ê hatin Amedê: Armanca darbeyê milyon in 

2019-08-27 14:59:11


	&nbsp;

	AMED - Çalakiya rûniştinê ya li dijî tayînkirina qeyûm a li Amedê di roja 9'an de berdewam kir. Îro Serok û Hevserokên DÎSK, KESK, TTB û TMMOB'ê tev li çalakiya li Amedê bûn. Seroka Giştî ya DÎSK Arzu Çerkezoglu, tayinkirina qeyûm wekî “darbe” pênase kir û wiha got: “Armanca darbeyê milyonan kes in."&nbsp;

	&nbsp;

	Çalakî û nenarizûbên li dijî tayînkirina şaredariyên HDP'ê yên Amed, Mêrdîn û Wanê di roja 9'an de berdewam dikin. Li Amedê di roja 9’emîn de dîsa parlamenter, hevşaredar û rêveberên HDP'ê li Kolana Lîse kom bûn û çalakiya rûniştinê berdewam kirin. Dîsa polîsan girse dorpêç kir û destûr nedan ku bi girseyi daxuyaniyê bidin çapemeniyê. Di çalakiyê de hevşaredar, parlamenter hevserokê PSK, Mesud Tek Şaredarê Dersimê Fatih Mehmet Maçoglu &nbsp;Serok û Hevserokên DÎSK, KESK, TTB û TMMOB'ê jî tev li çalakiya li Amedê bûn.

	&nbsp;

	Di çalakiyê de dowîzên “Ne qeyûm em bajarên dostên zarokan dixwazin", “Em çima hatin kuştin? li Pirsûs, Eneqe û Amedê" vekirin. Parlamenterê HDP'ê yê Stenbolê Zeynel Ozen, li dijî bêbextiya Serokomar Tayyip Erdogan a “Pereyan dişîne çiyê" got: “Nelirêtî û diziya wan di çapemeniyê de belav bû. Nelirêtiyên qeyûm hemû dinya alemê dît. Bedela wê çi dibe bila bibe em serî natewînin û emê li ber xwe bidin."&nbsp;

	&nbsp;

	Dema çalakiyê bi stranan dewam dikir, Seroka Giştî ya DÎSK'ê Arzu Çerkezoglu, Hevserokê Giştî yê KESK'ê Mehmet Bozgeyik, Serokê Konseya TTB'ê Raşit Tukel, Serokê TMMOB'ê Selçuk Uluata û nûnerên sendîkayan hatin Kolana Lîse û çalakger ziyaret kirin. Hevserok û nunerên sendîka meşiyan qada ku pankarta “Dest nede vîna min" vekiribûn û li vir axivîn. Serok û nûnerên sendîkayan bi dirûşmeya “Qeyûm wê hesab bidin gel", “Li dijî Faşizmê mil bidin mil" û “Kurdistan wê ji faşizmê re bibe goristan" berz kirin.&nbsp;

	&nbsp;

	PSK: EM LI CEM GELÊ XWE NE

	&nbsp;

	Serokê Giştî yê PSK’ê Mesud Tek, diyar kir ku tayînkirina qeyûm êrîşa li dijî vîna gel e û wiha got: “Em vê polîtîka AKP’ê şermezar dikin. Em ê li cem gelê xwe cih bigirin. Qeyûm ne tenê li dijî gelê Amedê li dijî vîna hemû gelan e."&nbsp;

	&nbsp;

	Berdevkê Platforma Ked û Demokrasiyê ya Amedê Dogan Hatun jî diyar kir ku bi tayînkirina qeyûm dixwazin Tirkiye têxin nava şer û wiha got: "Em bang li gelê Tirk dikin ku di nava piştevanî û şêwirmendiyê de bin."&nbsp;

	&nbsp;

	ÇERKEZOGLU: EV XEZPA VÎNE Û DIZÎ YE

	&nbsp;

	Seroka Giştî ya DÎSK'ê Arzu Çerkezoglu jî anî ziman ku tayînkirina qeyûm a Şaredariyên HDP’ê darbeya li dijî vîna gel e û wiha got: "Darbeya li dijî demokrasiyê ye. Vîna gel aşkere xezp kirine. Hedef û armanca vê darbeyê vîna milyonan gel e. Dixwazin vîna milyonan a 4 aliyên Tirkiye ku li dijî faşizmê serî hildide tune bikin.&nbsp;

	&nbsp;

	MAÇOGLU: WÎCDANÊ ME LI VIR E

	&nbsp;

	Şaredarê Dersimê Fatih Mehmet Maçoglu jî xwest li dijî qeyûman gel bibin yek û bi hevre têbikoşin. &nbsp;

	&nbsp;

	Girsê piştî daxuyaniyê bi dirûşmeyan dawî li çalakiyê anîn.&nbsp;

	&nbsp;