
Ciwanê ku dihat angaştkirin revandine çiyê hat binçavkirin

2019-08-24 15:22:20


	AMED - Mehmet Akar ku malbata wî bi angaşta ku "revandine çiyê" li ber avahiya HDP'ê Amedê çalakî li dar dixist, dema ku ji bo îfade dayînê çû Miduriyeta Polisan a Amedê, hat binçavkirin. Li ser vê yekê malbatê çalakiya xwe bi dawî kir û çû Miduriyeta Polisan a Amedê.

	&nbsp;

	Hacer Akar ku li navçeya Sûrê ya Amedê rûdinê, bi angaşta ku kurê wê Mehmet Akar (21) ketiye avahiya HDP'ê ya Bajar a Amedê û careke din jê derneketiye û ew "revandine çiyê", 3 roj in li ber deriyê avahiya HDP'ê çalakiya rûniştinê li dar dixist. Li ser çalakiya Akar, Ajansa Anadolûyê (AA) jî li ber derê HDP'ê kon veda û nûçeyên bi rengê "Bi angaşta ku kurê wê revandine çiyê li ber derê HDP'ê dest bi çalakiya rûniştinê kir" domand.&nbsp;

	&nbsp;

	Mehmet Akar ê ku AA'yê ew "derxist çiyê" têkildarî çalakiya malbat û nûçeyên derbarê xwe de xwe gihandibû ajansa me û daxuyanî dabû. Lê li gel vê yekê jî AA'yê nûçeyên xwe yê derbarê mijarê de domand.&nbsp;

	&nbsp;

	ÇÛ ÎFADE DAYÎNÊ HAT BINÇAVKIRIN

	&nbsp;

	Akar ku li dijî zewaca xwe ya bi darê zorê ya malbata xwe ji malê derket, dema ku ji bo têkildarî mijarê îfade bide çû Şaxa TEM'ê ya Miduriyeta Polisan a Amedê, hat binçavkirin. Li ser vê yekê malbata Akar jî çalakiya xwe ya li pêşiya HDP'ê bi dawî kir û çû Miduriyeta Polisan a Amedê.

	&nbsp;

	Apê Akar Abdûllah Akar piştrast kir ku braziyê wî Akar li Miduriyeta Polisan a Amedê ye. Ap Akar destnîşan kir ku Akar daxuyaniyên ku daye ajansa me li Miduriyeta Polisan a Amedê jîş dubare kiriye û ev tişt got: "Me ew dît. Tenduristiya wî baş e, tu gumaneke me tuneye. Neçûye çiyê, li bajar bûye. Axaftinên xwe yên berê didomîne. Dayik û bavê wî jî ew dîtin. Niha dayika wî li cem wî ye. Em jî niha diçin mala xwe."&nbsp;

	&nbsp;