
Mezlûm Ebdî: Emê bingeha hêza eskerî ya ewlehiya Sûriye ava bikin

2019-08-24 13:12:33


	NAVENDA NÛÇEYAN -&nbsp;Fermandarê Giştî yê QSD'ê Mezlûm Ebdî têkildarî civîna QSD'ê ya bê lidarxistin, destnîşan kir ku ew ê rewşa hêzên xwe binirxînin û got: "Em ê bi vê civînê bingeha eskerîya ku ewlehiya Sûriye mîsoger bike aava bikin. Bêyî Efrînê ne pêkan e aştî li Sûriyê pêk bê. Em bang li hikumeta Sûriyê dikin ku bi Rêveberiya Xweser û QSD`ê re dan û standinê bikin." &nbsp;

	&nbsp;

	Civîna salane ya Hêzên Sûriyeya Demokratîk (QSD) li Hesekê dest pe kir. Civîn li bajarê Hesekê bi beşdariya 600 nûnerên QSD`ê, partiyên siyasî û mêvanên ji Rêveberiya Xweser a Bakur û Rojhilatê Sûriyê û bi axaftina fermandarê Hêzên Sûriya Demokratîk (QSD) Mezlûm Abdî dest pê kir. Mezlûm Ebdî wiha got: "Piştî me û Koalîsyona Navdewletî li dijî DAIŞ`ê serkeftin bi dest xistin, îro em civîna salane ya QSD`ê bi rê ve dibin, civîn ji bo nirxandina serkeftinên leşkerî û siyasî ku hatine bidestxistin her wiha nirxandina kêm û kurtiyên da ku em bingehên oparasyonên leşkerî yên pêngava bê deynin, anku piştî têkçûna DAIŞ`ê, mîsogeriya aramî û ewlehiya li hemû herêmên Sûriyê pêk ve."

	&nbsp;

	CIVÎN GARANTIYA PÊŞEROJA SÛRIYE YE&nbsp;

	&nbsp;

	Mezlûm Ebdî wiha axaftina xwe dewam kir: "Ev civîn dê bingeha avakirina hêzeke leşkerî û garantiya Sûriyeke azad û hevgirtî be, em îro bi şerê gefan li pêşeroja me dixwe rû bi rû dimînin, di serî de şerê li dijî DAIŞ`ê ku hêj israra wêrankirina vî welatî dike, em li vir dibêjin pêngava nû zehmet û cetin e, nexasim ku şaneyên DAIŞ li herêmê û herêmên niştecih lê bic dibin hene, lewma rojeva sereke ya vê kombûnê, şerê li dijî DAIŞ`ê ye."

	&nbsp;

	Mezlûm Ebdî îşaret bi berxwedana li dijî DAIŞ`ê kir û wiha anî ziman: "Di heman demê de em Koalîsyona Navdewletî teşwîq dikin ku beşdarî şerê li dijî DAIŞ`ê bibin, da ku serkeftin pêk were."

	&nbsp;

	BANG LI TIRKIYE KIR

	&nbsp;

	Ebdî da zanin ku wan berê jî tekez kiribû ku êrîşên Tirkiyê li ser Efrînê bandoreke neyînî li şerê Hêzên Sûriya Demokratî yên li dijî DAIŞ`ê kirin û wiha axivî: "Gefên Tirkiyê li ser hêzên me planên hêzên me û hêzên kaolîsyona Navdewletî yên têkbirina DAIŞ`ê asteng dikin. Em li vir bi hevkariya bi DYA`yê re hemû hewldanên diyalogan bi dewleta Tirk re dikin, &nbsp;der barê mîsogeriya aramiya herêmê li hevkirinên pêşekî hene, ku ew jî diyarkirina nuqteyên li ser sînor e û dê ji oprasyonê re erênî be. Ji bo serketina proseya aştîtiya navbera me û Tirkiyê de, Efrîn gaveke girîng e, ji ber vegera şêniyên ji xalên bingehîn in û bêyî wê ne pêkan e li Sûriyê aştî pêk were."

	&nbsp;

	BANG LI ŞAMÊ KIR

	&nbsp;

	Ebdî bang li hikumeta rejîma Sûriyê jî kir û got: “Di vê civînê de em bang li hikumeta Sûriyê dikin ku bi nûnerên Rêveberiya Xweser û Hêzên Sûriya Demokratîk re dan û standinan bikin her wiha çareseriya siyasî li ser bingeha îtrafa bi Rêveberiyên Xweseriya Demokratîk û îtîrafa bi mafên rewa yên gelên Kurd ên li Sûriyê be."

	&nbsp;

	Mezlûm Ebdî di dawiya axaftina xwe de bal kişand ser jinûveavakirina sazûmaniya hêzên leşkerî û wiha anî ziman: "Me dest bi jinûveavakirina sazmûmaniya Hêzên Sûriya Demokratîk kiriye, me di vê qadê de gelêk serkeftin bi dest xistine, her wiha li hemû herêman me dest bi avakirian meclisên leşkerî kiriye û hêzên pisporane amade kirine. Îro jî di vê civînê de em ê proseya jinûveavakirina sazûmaniya Hêzên Sûriya Demokratîk bi mekanîzmaya avakirina meclisa giştî ku ji hemû meclisan re sîwan be, ava bikin."

	&nbsp;