
Di kongreya HDP’ê de banga yekitiya Kurdan hat kirin

2019-08-17 16:10:30


	ÊLIH - Di kongreya Rêxistina HDP’ê ya navçeya Navendî ya Êlihê de, banga yekitiyê hat kirin.&nbsp;

	&nbsp;

	Rêxistina Partiya Demokratîk a Gelan (HDP) ya navçeya Navendî ya Êlihê, 2’yemîn Kongreya xwe ya Asayî li Salona Dawetê ya Gala li dar xist. Nûnerên Partiya Demokratîk a Kurdistan a Tirkiyeyê (TKDP, Partiya-Bakur a Demokratîk a Kurdistanê (KDP-Bakur), Partîya Azadî û gelek nûneên civaka sivîl beşdarî kongrê bûn.&nbsp;

	&nbsp;

	ÎPEKYUZ: HDP PARTIYA GELANE&nbsp;

	&nbsp;

	Piştî deqeyek rêzgirtinê, ji bo dîwana kongrê hilbijartin hat kirin. Parlementerê HDP’ê yê Êlihê Necdet Îpekyuz, di kongreyê de axivî û wiha got: “Em Hevserokên HDP’ê yên Bajêr Nîzamettîn Tugûç û Hevserokê DBP’ê yê Êlihê Şukru Topkan ên hatin girtin silav dikin. Di HDP’ê de siyaset kirin zore, lê tune kirina HDP’ê jî pir zore. HDP partiya gelane û gel piştgiriyê dide HDP’ê.”&nbsp;

	&nbsp;

	ÛCA: LI DIJÎ YEKETIYA KURDAN DIJMINANTIYÊ DIKIN&nbsp;

	&nbsp;

	Parlementer Feleknas Ûca jî, bal kişand ser dijminantiya Kurdan û wiha axivî: “Divê li dijî dijminantiya Kurdan yekitî bê avakirin. Rêberê Gelê Kurd ev 20 salin girtiye û dibin tecrîdê deye. Kêm jî be ev tecrîd hatiye şikandin. Emê bi rihê yekitiyê têkoşîna xwe ya azadiyê berdewam bikin.”&nbsp;

	&nbsp;

	BANGA YEKITIYÊ

	&nbsp;

	Wekîlê HDP’ê Mûsa Farîsogûllarî jî, bal kişand ser girîngiya tevlîbûna kongreyê û wiha ev bang kir: “Li dijî komkujiyên li ser Kurdan û polîtîkayên tunekirinê, yekitî û bi hevre bûn pir girînge. Em dinava yekitiyê de piştevaniya xwe mezin bikin.”&nbsp;

	&nbsp;

	Piştî axaftinên hatin kirin, raporên malî û xebatên partiyê hatin xwendin. Dûre hilbijartina hat kirin. Di hilbijartina hat kirin de, ji bo Hevserokatiya HDP’ê ya Navçeya Navendî ya Êlihê Azad Esîn û Gûrbet Dogan hatin hilbijartin.&nbsp;

	&nbsp;