
Bi kincên herêmî tevlî civînê bûn

2019-08-05 15:18:25


	AMED - Endamên Meclisa Şaredariya Yenîşehîrê bi kincên herêmî tevlî civîna meslisa şaredariya bûn.&nbsp;

	&nbsp;

	Endamên Meclisa Şaredariya Yenîşehîrê, civîna meclisa şaredariyê ya meha Tebaxê bi şîara "Em çanda xwe bidin jiyîn" li dar xistin. Hevşareddar Belgîn Dîken û Mehmet Devîran û endamên meclisê bi kincên xwe yên herêmî tevlî civîna meclisê ya li avahiya şaredariyê bûn. Endamê Meclisê Têkoşîn Tekîn têkildarî mijarê axivî û ev tişt anî ziman: "Ne tenê di rojên taybet de di jiyana rojane de jî lixwekirina kincên herêmî ji bo jiyandina çandê girîng in. Di pêvajoyeke ku pergal çand û motîfên me modernîze dike û pê bazariyê dike, nexwedîderketina me ya kincên herêmî kêmasiyeke. Di dema qeyûm de bi awayekî sîstmatîk li dijî çand, ziman û hunera me êrîş pêk hatiye. malên çandê, ziman û jinan girtin. Ji bo temîrkirina texrîbatên qeyûm em bi gelê xwe re xebatên xwe dimeşînin. Dê ji niha şûn ve çalakiyên me yen ji bo jiyandina çandê hebin."&nbsp;