
Dozgeriyê li 9 kesên 58 saniye rê li trafîkê girtin doz vekir 

2019-08-05 09:08:06


	&nbsp;

	EDENE – Serdozgeriya Komarê ya Edeneyê li 9 kesên bi armanca balê bikişîne ser çalakiyên greva birçîbûnê û tecrîdê 58 saniyeyan rê li trafîkê girt, doz vekir.&nbsp;

	&nbsp;

	Li Kolana Înonu ya Edeneyê 9 kesên li ber lambeyên trafîkê 58 saniyeyan rê li trafîkê girtin û bal kişandin ser çalakiya greva birçîbûnê û roniya mirinê rastî lêpirsînê hatin. Dozger bi îdîaya 9 kesan muxalefetî ji “Zagona hêjmara 2911'an a meş û xwepêşandanan" re kiriye doz li wan vekir. Endamên Meclisa Ciwanan a Rêxistina Partiya Demokratîk a Gelan (HDP) ya Edeneyê, di 3'ê Gulanê de bi armanca balê bikişîne ser çalakiyên greva birçîbûnê, li Parka Înonu ya Edeneyê çalakî li dar xistibûn. Pişti çalakiyê Serdozgeriya Komarê ya Edeneyê lêpirsîn vekiribû û pişti lêpirsînê îdîaname amade kir. Dozgeriyê îdîaname amade kir û şand 23’emîn Dadgeha Asliye Ceza ya Edeneyê. Dadgehê li ser îdîanamemyê li Endamê Meclîsa HDP'ê Gogerçin Aras, hunermend Îlyas Arzu û Jiyan Savci û ciwanên HDP'ê Bayram Ektiren, Berîtan Ozbey, Eyup Şendur, Mehmet Şerîf Yeşil, Burhan Erol û Sîdar Ustundag doz vekir. Danişîna doza 9 kesan wê di 26'ê Mijdarê de bê dîtin.b&nbsp;

	&nbsp;

	MA / Hamdullah Kesen

	&nbsp;