
Li Çinarê operasyona eskerî 

2019-07-31 16:41:13


	&nbsp;

	AMED - Li gundê Barê yê Çinarê operasyona eskerî pêk hat. Tê angaştkirin ku di vê operasyonê de kesek jiyana xwe ji dest daye û 4 kes jî hatine binçavkirin.&nbsp;

	&nbsp;

	Ji duh saetên êvarê ve li gundê Barê yê navçeya Çinarê ya Amedê operasyona leşkerî hatiye destpêkirin. Tê angaştkirin ku duh saet derdora 23.00'yên şevê li qadeke bi qasî 2 kîlometreyan dûrî gund dengê çekan hatiye û piştî vê yekê kesekî jiyana xwe ji dest daye. Hat hînbûn ku di kêliya operasyon berdewam kiriye de welatiyên bi navê Mehmet Rûhî Bakir (27) û Şemsettîn Sûnyar (45) ku çûne cem makîneyên sondajê yên qada operasyonê û welatiyên bi navê Halîl Deger (40) û Ekrem Deger (28) ên ji gundê Kela Zêrzewanê ji hêla leşkeran ve hatine binçavkirin.&nbsp;

	&nbsp;

	'EM AGAHÎ NAGIRIN'&nbsp;

	&nbsp;

	Mehmet Kerbela Bakir (40) ku brayê wî M. Rûhî Bakir hatiye binçavkirin têkildarî mijarê axivî û diyar kir ku bi brayê wî M. Rûhî Bakir û xizmê wî Şemsettîn Sûnyar ku hatine binçavkirin re bi giştî 4 kes li Fermandariya Cendirmeyan a Çinarê tên girtin. Bakir da zanîn ku ji ber biryara nepeniyê ya Serdozgeriya Komarê ya Çinarê nikarin agahî bi dest bixin û wiha got: "Li gorî ragihandinên şahidan brayê min birîndar e. Li fermandariyê destûr nedan ku ez bi birayê xwe re hevdîtin pêk bînim û têkildarî rewşê agahî bi min re parve nekirin."&nbsp;