
Kesên bi çekê birîndar kirin, der barê wan de lêpirsîn nehat vekirin

2019-07-27 09:05:44


	AMED - Sala par li Navçeya Liceyê, 3 kesan bi çekê êrîşî karkerê înşeatê Remzî Varsak kiribû. Di êrîşê de Varsak bi giranî birîndar bibû. Lê der barê êrîşkaran de lêpirsîn nehat destpêkirin.&nbsp;

	Li Licê ya Amedê par di meha Tîrmehê de, xwediyê Şîrketa Reel Yapiyê Veysî Doman karkerên îneşatê Remzî Varsak bir Şaredariya Licê û li şaredariyê Varsak xistin odeyekê û 3 polîsan sîxurtî lê ferz kir. Li vira her sê polîs û cîgirê şaredarê Licê yê berê Îsa Gonultaş gef li Varsak xwarin.&nbsp;

	&nbsp;

	Paşê Varsak, li Dozgeriya Komarê ya Licê giliyê her sê polîsan, Veysî Doman û Îsa Gonultaş kir. Lê bêyî îfadeya polîsan, Veysî Doman û Îsa Gonultaş bên girtin dozgeriyê lêpirsînê bi bêtaqîbatê bi dawî kir.&nbsp;

	&nbsp;

	RÊ YA WÊ BIRÎN, EW DERB KIRIN&nbsp;

	&nbsp;

	Piştî vê bi salekê di meha Hezîrana par de vê carê bi çekan êrîşî Varsak kirine. Dema Varsak di 28'ê Hezîranê saet li dor 23:00'yan diçe mala xwe ya li Taxa Kaliyê, xizmên Veysî doman Yaşar Ajde, Bîlal Doman û Bîrhan Yîgîtel rê li ber digirin û êrîşî wî dikin. Di dema êrîşê de Varsak ji bo xwe biparêze şûşeyeke cam a li erdê hildigire û Yaşar Ajde ji nava xwe bi sivikayî birîndar dibe.

	&nbsp;

	BI ÇEKAN ÊRÎŞÎ WÎ KIRIN&nbsp;

	&nbsp;

	Vê carê dotira rojê yanî di 29'Ê Hezîranê de dema Varsak ji mala xwe dertê Veysî Doman, Kadrî Muhacir û Sezgîn Ajde rê li ber digirin û bi çekê êrîşî wî dikin. Varsak, ji bo vê êrîşê got: "Serê sibehê rê li ber min girtin. Sezgîn Ajde rasterast êrîşî min kir. 2 gule li min ketin. Li cihê êrîşî min kirin înşeatek hebû Min jî perçeyeke hesin ji wir hilgirt û xwest xwe biparêzim. Bi hesin min li destê SezgînA jde da û çek ji destan ket. Wexta min hewl da çeka li erdê hilgirim, Kadrî Muhacir pêşiya min tev geriya û çek hilgirt. Paşê Kadrî bi çekê beraa min da. Ji navê berjêr 6 gule li min ketin. Piştî ketim erdê vê carê Veysî Doman bi hesinekî li min da."&nbsp;

	&nbsp;

	DU SAET ŞÛNDE HAT BERDAN&nbsp;

	&nbsp;

	Piştî bûyerê Varsak ewilî radikin Nexweşxaneya Dewletê ya Licê û paşê wî dişînin Nexweşxaneya Zanîngeha Dîcleyê. Varsak, bilêv kir ku ji be rêrîşa çekdarî ji sê kesên êrîşî wî kirin tenê Kadrî Muhacir hatiye binçavkirin û piştî îfadeya wî hat girtin du saet şûnde hat berdan. Varsak, anî ziman ku hefteyekê li Nexweşxaneya Zanîngeha Dîcleyê maye, lê belê der barê êrîşkarana de lêpirsîn nehatiye destpêkirin.&nbsp;

	&nbsp;

	Varsak, destnîşan kir ku piştî wî gilî kiriye dîsa gef lê hatine xwarin. Varsak, got ew ê di warê hiqûqî de bitêkoşe û xwest êrîşkar bên darizandin.&nbsp;

	&nbsp;

	MA / Mehmet Şah Oruç – Ozgur Paksoy&nbsp;

	&nbsp;