
Hevşaredarê Nisêbînê Ferhat Kut hat binçavkirin

2019-07-24 10:30:33


	MÊRDÎN – Polîsan li Nisêbîn û Qoserê bi ser malan de girt. Hevşaredarê Nisêbînê Ferhat Kut jî di nav de 3 kes binçav kirin.&nbsp;

	&nbsp;

	Li navçeyên Nisêbîn û Qoserê yên Mêrdînê polîsan serê sibehê bi ser malan de girt. Polîsan lêgerîn li malan pêk anî û mal serûbin kirin. Polîsan di serdegirtina malan de Hevşaredarê Nisêbînê Ferhat Kut, encûmenê Şaredariya Nisêbînê Mehmet Emîn Alkan û Hevseroka Rêxistina DBP’ê ya Mêrdînê Leyla Bozkurt di serdegirtina malan binçav kirin.&nbsp;

	&nbsp;

	Hat zanîn ku siyasetmedar di çarçoveya lêpirsînek serdozgeriya Mêrdînê daye destpêkirin hatine binçavkirin. Binçavkiriyan birin Miduriyeta Polîsan a Mêrdînê. Parêzeran ragihand ku dosyeya lêpirsînê bi sînor kirine û derbarê naveroka dosyeyê de agahî bi dest nexistine.&nbsp;

	&nbsp;

	Hat zanîn ku dibe hejmara binçavkiriyan zêde bibe.&nbsp;

	&nbsp;

	AVÊTIN SER AVAHIYA HDP’Ê JÎ&nbsp;

	&nbsp;

	Di çarçoveya heman lêpirsînê de polîsan bi ser avahiya Rêxistina HDP’ê ya Nisêbînê de jî girt û hemû kelûpelên li hundir serûbin kirine.&nbsp;

	&nbsp;