
7 sal û 6 meh ceza dan hevjînê Remziye Bor 

2017-11-23 11:43:39


	WAN – Di bûyera kuştina Remziye Bor de tevî ku hevjînê wê Îrfan Bor roja bûyerê ne li mal bû jî 7 sal û 6 meh ceza lê hat birîn.&nbsp;

	Li taxa Xaçorta navçeya Rêya Armûşê ya Wanê di 19’ê nîsana 2016’an de Remziye Bor a ducanî di serde girtina malê de hatibû birîndarkirin û dema rakirin nexweşxaneyê jiyana xwe ji dest dabû. Hevjînê Bor, Îrfan Bor ji ber bûyerê 19 meh in girtiye û derket pêşberî dadger. Doza biryardayîna ji bo Bor ê ku bi îdiaya “Endamê rêxistinê ye” dihat darizandin li Dadgeha Cezayê Giran a 2’emîn a Wanê hat dîtin. Di dozê de Bor û parêzerê wî amade bûn. Piştî tespîta nasnameyê Bor dest bi parastina xwe kir.&nbsp;

	&nbsp;

	'EZ WÊ ROJÊ NE LI MAL BÛM’&nbsp;

	&nbsp;

	Bor diyar kir ku hevjîna wî ya ducanî jiyana xwe ji dest daye û li pişt bûyerê zarokek wan a biçûk maye û roja bûyerê jî ne li malê bûye. Bor da zanîn ku bi mehan e li gel tu sûcî jî nekiriye jî di girtîgehê de ye û bêyî ku bêtir mexdûr bibe berata xwe xwest.&nbsp;

	&nbsp;

	Piştî Bor, parêzer Denîz Işik jî anî ziman ku muwekîlê wî roja bûyer qewimiye ne li mal bûye û daxwaza berdana wî kir.&nbsp;

	&nbsp;

	7 SAL Û 6 MEH CEZA DAN&nbsp;

	&nbsp;

	Piştî parastinan heyeta dadgehê bi îdiaya “Endamê rêxistinê ye” 7 sal û 6 meh ceza li Îrfan Bor birî.&nbsp;

	&nbsp;

	ÇI BIBÛ?

	&nbsp;

	Remziye Bor li mala xwe ya li taxa Xaçortê ya navçeya Rêya Armûşê di 19’ê nîsana 2016’an de ji aliyê polîsên tîmên taybet hatibû birîndarkirin. Bor a ku bi giranî birîndar bûbû di 17’ê gulana 2016’an de li Nexweşxaneya Lêkolîn û Perwerdehiyê ya Herêma Wanê ku dihat dermankirin jiyana xwe ji dest dabû. Dema Bor birîndar bûbû ducaniya 7 mehî bû. Dema Bor dihat dermankirin di 25’ê nîsana 2016’an de bi sezeryanê pidaka wê hat hildan û navê Newal lê hat kirin.&nbsp;

	&nbsp;

	Dozgeriyê der barê doza Remziye Bor de gotibû “Ji sûcê di endamtiya rêxistinê de pêdivî bi lêpirsînê tune ye” û pêşiya lêpirsîna der barê peywîrdarên cemaweriyê de bê birêvebirin girtibû.&nbsp;

	&nbsp;