
Rojên Fîlmên Jinan ên Gerok bi dawî bû

2019-07-20 10:37:09


	AMED - Rojên Fîlmên Jinan ên Gerok piştî pêşandanên heftiyekê yên li Amed û navçeyên wê bi dawî bû.&nbsp;

	Rojên Fîlmên Jinan ên Gerok ku bi pêşengtiya Şaredariya Bajarê Mezin a Amedê, Akademiya Sînemaya Rojhilata Navîn û Akademiya Sînemaya Mezopotamya di 13'ê Tîrmehê de dest pê kir, bi dawî bû. &nbsp;Di bernameya ku her rojê li 2 navçeyan hat pêşandan de, fîlmên "Sibel" ya ku derhêneriya wê Çagla Zencîrcî û Guilloume Glovanettî dike, &nbsp;"Borç" ku derhenirya wê Vuslat Saraçoglu dike, "Heta bêhna min diçike" ku derhênriya wê Emine Emel Balci dike û &nbsp;"Kevok" ku derhêneriya wê Banu Sıvaci dike hatin pêşandan û derketin pêşberî sinemahezan.

	&nbsp;

	Pêşandana fîlman a ku di 13'ê Tîrmehê de li navçeya Farqînê dest pê kir, li navçeyên Gêl, Karaz, Erxenî, Çinar, Hezro û Rezan hatin pêşandan. Fîlm rastî eleqeyek mezin a jinan hatin.&nbsp;

	&nbsp;

	PÊŞANDANA BI DAWÎ KIRINÊ&nbsp;

	&nbsp;

	Bi dawî kirina rojên fîlman herî dawî di 19’ê Tîrmehê de, li Parka Tema ya Navçeya Peyasê bi pêşandina fîlman hat kirin.&nbsp;

	&nbsp;

	‘ME HEWL DA EM FÎLMAN JI NAVA SALONÊN TENG DERXIN PARKAN

	&nbsp;

	Endamê Akademiya Sînemaya Rojhilata Navîn Sîdar Aslan, fînala rojên fîlman de axivî û wiha got: “Me bertekên erênî girtin. Me nexwest ku em fîlman hepsî navendên bajaran bikin. Me hewl da ku em fîlman ji nava salonên teng derxibin û di parkan de pêşkêş bikin. Îro roja me ya fîlman dawî dibe. Lê şahiyên me yên wisan dê dewam bikin. Emê &nbsp;di demek nêz de bernameya xwe ya nû ji raya giştî re aşkere bikin.”&nbsp;

	&nbsp;