Malbatan 44 roj şûnde cenazeyên zarokên xwe ji herêma operasyonê girtin

2019-07-16 15:42:02


	AMED - Malbatan cenazeyên endamê HPG’ê yên li çoltera Taxa Bayirli ya Lîcê, di şerê 3’yê Hezîranê rû da de jiyana xwe ji dest dan, 44 roj şûnde ji herêma operasyonê wergirtin.

	Li çoltera Taxa Bayirli ya navçeya Lîcê ya Amedê, di 2’yê Hezîranê de operasyona leşkerî hat lidarxistin û di 3’yê Hezîranê de pevçûn rû da. Cenazeyê 4 endamên HPG’ê yên di pevçûnê de jiyana xwe ji dest dan 44 rojan li herêma pevçûnê hatin rawestandin. Ji 5 HPG’iyên di pevçûnê de jiyana xwe ji dest dan cenazeyê Ferhat Kocakaya (Rizgar Tolhildan) piştî operasyonê ji herêmê hat girtin û li Lîcê hat definkirin. Lê cenazeyên Îbrahîm Çelîk (Mahîr Andok), Abdullah Tûrhan (Reber Amed), Omer Demîr (Serhildan Mazî) û Yûsûf Kayran (Zinar Akro) 44 rojan li herêma operasyon hatibû rawestandin. Malbat çûn herêma operasyonê û di wêneyên kişandin de xuya dike ku cenaze xirab bûne. Malbat û gel piştî 44’an rojan çûn herêmê û cenaze ji herêma operasyonê wergirtin.

	 

	CENAZE TESLÎMÊ CENDIRMEYAN KIRIN 

	 

	Malbatên ku tu encam ji serlêdanan negirtin, bi gel re çûn herêma operasyonê û cenazeyên xwe girtin. Hat dîtin ku cenaze ji ber bandora bombeyên qazanê parçe bûne û malbatan parçeyên cenazeyan kom kirin. Malbatan cenaze anîn Taxa Bayirli ya navçeya Lîcê û cenaze li vê derê ji aliyê parlementerên HDP’ê, Serdozgeriya Komarê yê Lîcê û parêzeran ve hat pêşwazî kirin. Cenaze dûre birin Fermandariya Cendirmeyan a navçeyê û ji bo girtina cenazeyan girtek hat girtin. 

	 

	Hat diyar kirin ku ji bo otopsiyê, dê cenazeyan bibin Amedê.