
Qaymeqamiya Heskîfê têketina Çemê Dîcleyê girêdayî destûrê kir

2019-07-13 11:45:47


	ÊLIH - Di van rojên ku rêxistinên ekolojiyê amadekariya çalakiya "Avêtina Mezin a Dîcleyê" ku dê li Heskîfê bê lidarxistin, dikin, Qaymeqamiya Heskîfê têketina Çemê Dîcleyê jî di nav de hemû çalakiyên ku di navbera 11-26'ê Tîrmehê de li navçeyê bên lidarxistin, girêdayî destûrê kir.&nbsp;

	Di vê dema ku rêxistinên ekolojiyê ji bo Heskîf di bin Bendava Ilisûyê de nemîne, têdikoşin, Qaymeqamiya Heskîfê jî hemû çalakiyên ku di navbera 11-26'ê Tîrmehê de li navçeyê bên lidarxistin, girêdayî destûrê kir. Balkêş e li gel ku gel destpêkirina biryarê 11'ê Tîrmehê ye jî qaymeqamiyê rojek piştî biryarê daxuyaniya xwe weşand. Qaymeqamiyê diyar kiriye ku çalakiyên mîna daxuyanî, mitîng, civînên cihê girtî û vekirî, meş, daxuyaniya çapemeniyê, vekirina kon, vekirina stantê, çalakiya rûniştinê, merasîma bibîranînê, belavkirina belavokan, daleqandina afîş û pankartan û têketina Çemê Dîcleyê ya di qada berpirsyariya polis û leşkeran de girêdayî destûrê ye.&nbsp;

	&nbsp;

	Ji ber ku dê sibê ji aliyê rêxistinên ekolojiyê ve ji bo Heskîf di bin Bendava Ilisûyê de nemîne, çalakiya "Avêtina Mezin a Dîcleyê" bê lidarxistin, biryara qaymeqamiyê gelek balê dikişîne.&nbsp;