ROJEVA 11'Ê TÎRMEHA 2019'AN

2019-07-11 09:00:20


	 

	* Parlementerê HDP'ê yê Wanê Tayîp Temel, bilêv kir ku HDP cihê kesên ku ne mecbûrî du blokên heyî bixwe ye û got: "HDP, bang dike ku li ser esasên rêya sêyem çareserkirina pirsgirêkan bi rêbaza aştî û diyalogê pêkan e." 

	 

	* Hevşaredarên Qereyaziyê Melîke Goksû û Bûrhanettîn Şahîn, gotin qeyûm ne ji bo gel ji bo saziyên dewletê xebitîne. Her wiha hevşaredaran behsa projeyên xwe yên dê pêk bînin jî kirin û gotin: "Wê reng, deng û tilîliyên jinan ji navçeyê kêm nebe." 

	 

	* Malaz Hamşo yê ji Îdlibê koçî Dîlokê kir, bi resmên xêz dike hesreta xwe ya ji bo welat ditebitîne. 

	 

	* Serokê Yekîtiya Hilberînerên Hêkan a Dîlokê Kenan Ûygûr, diyar kir ku piştî Hikûmeta Iraqê îthalata hêkan daye sekinandin hêkên di dest wan de mane bi zirarê difiroşin û got: "Ev yek ji ber têkiliyên siyasî yên di navbera Hikûmeta Iraqê û Tirkiyeyê de û lihevnekirinên bi Herêma Iraqa Bakur wiha bû." 

	 

	* Leyla Guven, bilêv kir ku wexta li Meclîsê sond xwariye Dayikên Aştiyê, Dayikên Şemiyê, dayikên kitanspî û hemû jin hatine ber çavên wê û ji bo pêvajoya bê jî got, ew ê ji bo jiyaneke demokratîk li her qadê bixebitin. 

	 

	* Li Amedê 90 sal in malbateke ermenî bi tena serê xwe Goristana Qedîm a Ermen-Suryaniyan ji defînegeran diparêze. 

	 

	* Bi pêşengiya Şaredaredariya Bajarê Mezin a Amedê, Akademiya Sînemayê ay Rojhilata Navîn û Akademiya Sînemayê ya Mezopotamyayê Rojên Fîlmên Gerok Yên Jina dest pê dike. Wê rojên fîlma di 13'ê Tîrmehê de dest pê bike û heta 19'ê Tîrmehê dewam bike. Wê li 14 navçeyan fîlm bên nîşandan. 

	 

	* Rojda Amaç çû hevdîtina hevjînê xwe Sînan Amaç ê li Girtîgeha Xarpêtê girtî ye û got di hefteyek dawî de zext zêde bûne û gardiyan bi ser qawîşan de digirin li girtiyan şidetê dikin û yên li dijî zextan derdikevin jî diavêjin hucreyan. 

	 

	* Gundê Kilît ê girêdayî Stewrê yek ji gundê Sûryaniyan e. Li vî gundî dêrên ku ji sê mezhebên Xirîstiyaniyê re malovaniyê dikin hene. Gundê Kilîtê dîsa li benda şênkirinê ye.