
Çiyayên Cûdî û Mazî dişewite!

2019-07-10 16:05:33


	ŞIRNEX / MÊRDÎN – Li Çiyayê Cûdî ku dikeve aliyê Silopiya û li Çiyayê Mazî yê li gundê Xursê ya Qoserê şewat derket. Welatî bi derfetên xwe mudaxeleyî şewatê dikin.&nbsp;

	&nbsp;

	Li Çiyayê Cûdî ya dikeve herêma Bajarokê Bêspîn a girêdayî Silopiya Şirnexê agir bi pûş ket û şewat derket. Li qada Fêrga şewat her ku diçe berfireh dibe û gelek dar şewitîne. Welatiyên derdorê jî li gorî derfetên xwe mudaxeleyî şewatê dikin. Nehat zanîn şewat ji ber çi sedemê derketiye.&nbsp;

	&nbsp;

	Komên agirkujiyê yên Şaredariya Silopiya sewqî herêma şewatê hatin kirin.

	&nbsp;

	HERÊMA XURSÊ DIŞEWITE&nbsp;

	&nbsp;

	Li çoltera Çiyayê Mazî ya li herêma gundê Xursê yê girêdayî navçeya Qosera Mêrdînê di saetên serê sibê de şewat derket. Herêma dikeve navbera gundên Îzer û Dokanê bi sedan donim erazî şewitî. Welatiyên gundan bi derfetên xwe yên kêm mudaxeleyî şewatê dikin û ragihandin ku di vemirandina agir de zehmetiyan dikişînin.&nbsp;

	&nbsp;

	‘PIŞTÎ OPERASYONÊ AGIR BERDAN HERÊMÊ’&nbsp;

	&nbsp;

	Şêniyên gundan derbarê sedema şewatê de axivîn û dan zanîn ku vê sibehê piştî esker ji operasyonê vekişiyane agir bi herêmê xistine û bi mehane herêm bi maşîneyên hewa yên bêmirov tê şopandin û eskeran ji duh ve li herêmê operasyon pêk anîne.&nbsp;

	&nbsp;