
HDP: Êrîşa li dijî hevşaredarên Giyadînê bi plana dewletê ye 

2019-07-03 10:48:00


	ENQERE - Hevberdevkê Lijneya Rêveberiyên Herêmên Demokratîk yê Partiya Demokratîk a Gelan (HDP) Selahattîn Aslan, êrîşa li dijî hevşaredarên Giyadinê şermezar kir û anî ziman ku plana dewletê ye. Aslan, anî ziman ku wê pêvajoya hiqûqî bidin destpêkirin.&nbsp;

	&nbsp;

	Hevberdevkê Lijneya Rêveberiyên Herêmên Demokratîk yê Partiya Demokratîk a Gelan (HDP) Selahattîn Aslan, têkildarî êrîşa li dijî hevşaredarên Giyadinê Evren Demir û Betul Yaşar daxuyaniyek nivîskî weşand û êrîş şermezar kir. Aslan, di daxuyaniyê de diyar kir ku îktîdara AKP'ê di hilbijartina 31'ê Adarê de têk çû û wiha got: "Li şaredariyên ku HDP bi ser ketine, pekanînên dijhiqûqî pêş dikevin. Naxwazin şaredarî bi pirsgirêkên gel eleqeder bibin û xizmetê bimeşînin. Herî dawî li Navçeya Giyadînê ya Agirî polîsên girêdayî îktîdara AKP'ê li avahiya şaredariyê heddê xwe derbas kirine û êrîş kirine. Welatî Mehmet Hayri Oruç dema ket avahiya şaredariyê, di nokteya lêgerînê de polîsan li ser wî lêgerîn kirine û bi pêhnan li wî dane. Li ser vê rewşê Hevşaredarên me yên Giyadînê Evren Demir û Betul Yaşar ku ketin navberê ew jî bi heman rengî rastî êrîşa polîsan hatine. Piştî bûyerê bi sedan polîs bi copan ketine avahiya şaredaiyê û teror pêş xistine. Polîsan ji bo vê rastiya xwe ji civakê veşêrin dest danîne ser kamerayan." &nbsp;

	&nbsp;

	&nbsp;

	BI SEDAN POLÎSÊN BERÊ AMEDE BÛN NÎŞAN DIDE KU NE TESETUFÎ YE

	&nbsp;

	Aslan, anî ziman ku bi sedan polîsên berê li dora avahiya şaredariyê amade bûbûn nîşan dide ku ev bûyer ne tesadufî ye û lîstika bi plan û piştgira dewletê pêk hatiye.&nbsp;