
Festîvala Qersê bi dîmenên rengîn ên gelan dest pê kir 

2019-06-29 11:49:31


	QERS – Festîvala Çand û Xwezayê ya Serhadê ku ji aliyê Şaredariya Qersê ve tê lidarxistin bi meşê dest pê kir. Welatiyên Qersê yên ji netewên cuda bi cilên xwe yên herêmî beşdarî meşê bûn û dîmenên rengîn derketin holê.&nbsp;

	Şaredariya Qersê îsal 1’emîn Festîvala Çand û Xwezayê ya Serhedê li dar dixe. Festîvalê bi meşa ku ji sedan kesan pêk dihat ji ber Şaredariya Qersê dest pê kir. Welatiyan cilên herêma Qersê li xwe kir û beşdarî meşê bûn. Hevşaredar Ayhan Bîlgen û Şevîn Alaca jî di meşê de cih girtin. Welatiyên kurd, tirk, çerkez, Kafkas û turkmen bi govendên xwe yên gelêrî û erbaneyan di meşê de cih girtin. Di meşê de def û zirne, erbane û tulumê lê dan û welatî reqisîn. Meşa ku veguherî dîmenên rengîn li Keleha Qersê bi dawî bû.&nbsp;

	&nbsp;

	‘EM Ê FESTÎVALÊ VEGUHERÎNIN FESTÎVALEK NAVNETEWÎ’&nbsp;

	&nbsp;

	Hevşaredar Şevîn Alaca axaftinek kurt kir û her kesî vexwend hemû şahiyên festîvalê.&nbsp;

	&nbsp;

	Hevşaredar Ayhan Bîlgen jî da zanîn ku ew ê vê festîvalê ji bo danasîna Qersê veguherînin festîvalek navnetewî û got: “Em bi ruhê amator û kelecanî pêk bînin. Em ê di nava van du rojan de kêmasiyên xwe bîbînin û em ê di demsala zivistanê de jî festîvalên sînema û lîstikên zivistanê li dar bixin.”&nbsp;

	&nbsp;

	Festîval dê bi konser û şahiyên cuda heta derengiya şevê dewam bike.&nbsp;

	&nbsp;

	&nbsp;