
Ji ber ku di cenazeyê kurê xwe de wêneyê wî hilgirt doz lê vekirin

2019-06-28 13:30:28


	ŞIRNEX - Bavê Haci Lokman Bîrlîk ê li Şirnexê polîsan kuşt û cenazeyê wî bi maşîneya zirxî ve kirin û kaş kirin Hasan Bîrlîk ji ber di merasîma cenazeyê kurê xwe de wêneyê wî hilgirt doz lê hat vekirin. Yekemîn danişîna doza derbarê bav Hasan Bîrlîk û 8 kesên din de hatibû vekirin, hat dîtin û talûqkirin.&nbsp;

	Polîsan li Taxa Dîcle ya Şirnexê, di 3’ê Cotmeha 2015’an de, Haci Lokman Bîrlîk ê 24 salî bi 28 guleyan kuştin û pişt re cenazeyê wî bi paş maşîneya zirxî ve kirin û li dû xwe kaş kirin. Serdozgeriya Komarê ya Şirnexê dûre derbarê kesên beşdarî merasima cenazeyê Bîrlîk bûn de, dest bi lêpirsînê kir û îdîaname amade kir.&nbsp;

	&nbsp;

	Îdîaname ji aliyê 3’yemîn Dadgeha Cezayê Giran a Şirnexê ve hat qebûlkirin. Di îdîanamê de ji bo bavê Bîrlîk Hasan Bîrlîk bi hinceta wêneyê kurê xwe hilgirtiye bi sûcdariya “Propagandeya rêxistinê kirin” hat xwestin ku bêceza kirin.

	&nbsp;

	Dîsan ji bo Abbas Ozbey, Abdulhalik Ozcan, Bayram Erkan, Ramazan Baysal, Sadik Gungen, Saît Talay, Serhat Ugur û Ugur Kaya bi îdîya “Propagandeya rêxistinê kirin” û ji bo Halît Gungen jî hem bi sûcdariya “Propagandeya rêxistinê kirin” hem jî “Gel tehrîkê kîn û dijmimnantiyê kirin” ceza hat xwestin.

	&nbsp;

	DANIŞÎN TALOQÎ 22’YÊ MIJDARÊ HAT KIRIN

	&nbsp;

	Yekemîn danişîna darbarê 10 kesan de hat vekirin, li 3’yemîn Dadgeha Cezayê Giran a Şirnexê hat dîtin. Halît Gungen beşdarî danişînê nebû. Serhat Ugur bi SEGBÎS’ê beşdar bû û 8 kesên din jî li salona dadgehê amede bûn. Parêzer û xizmên kesên hatin darizandin jî doz şopandin.&nbsp;

	&nbsp;

	Piştî danasîna nasnameyan, 9 kesan parastin kirin. Her 9 kesan jî, îdîayên derbarê xwe de red kirin û gotin ew tevlî merasîma cenazeyên xizmên xwe dibin.&nbsp;

	&nbsp;

	Dadgehê piştî parastina parêzeran, danişîn dalûqî 22’yê Mijdarê kir.&nbsp;

	&nbsp;