
Xebatkarê Azadiya Welat, Nîzamettîn Yilmaz hat berdan

2019-06-26 16:16:59


	MÊRDÎN – Xebatkarê rojnameya Azadiya Welat ê girtî ku nexweş bû Nîzamettîn Yilmaz hat berdan.

	Xebatkarê rojnameya Azadiya Welat a bi Biryarnameya di Hukmê Qanûnê de (KHK) hat girtin Nîzamettîn Yilmaz di 28’ê adara 2018’an de li navçeya Dêrikê ya Mêrdînê bi îdaya “Endamê rêxistinê ye” hatibû girtin. Danişîna 6’emîn a doza Yilmaz li 3’yemîn Dadgeha Cezayê Giran a Mêrdînê hat dîtin. Serokê dadgerê wek 5 danişînê derbas bûn dîsa beşdarî danişînê nebû. Danişîn ji aliyê endamên dadgehê ve hat birêvebirin.&nbsp;

	&nbsp;

	Yilmaz ê girtiyê nexweş di danişînê de amade bû, malbat û parêzerê Yilmaz di beşdarî danişînê bûn. Piştî tespîta nasnameyê danişînê dest pê kir.

	&nbsp;

	DOZGER CEZA XWEST

	&nbsp;

	Dadgehê diayr kir ku sewqa nexweşxaneyê ya Yilmaz hatiye kirin lê rapora heyetê ji wan re nehatiye. Dozger mutalayê dubare kir û xwest Yilmaz bi îdaya “endamtiya rêxistinê bê cezakirin û girtina wî dewam bike.&nbsp;

	&nbsp;

	‘MIN TENÊ ROJNAME BELAV KIRIYE’&nbsp;

	&nbsp;

	Yilmaz li dijî mutalayê parastina xwe kir û got wî tenê rojname belav kiriye. Yilmaz da zanîn ku wî ji bilî belavkirina rojnameyê tu tiştek din nekiriye û beyanên şahidê nepen derew in. Yilmaz xwest bê berdan û beratkirin. Yilmaz got ew bi daxwaza aştiyê dest bi greva birçîbûnê kiriye û xwestina aştiyê ne sûc e.&nbsp;

	&nbsp;

	Pişt re parêzer Mehmet Emîn Dursun li dijî mutalayê parastina miwekîlê xwe kir û xwest miwekîlê wî yê nexweş bê berdan.&nbsp;

	&nbsp;

	Heyeta dadgehê piştî navberek kin biryara xwe da û Yilmaz ji ber rewşa tenduristiyê tahliye kir.&nbsp;

	&nbsp;

	Danişînek din taloqî 8’ê mijdarê kir.&nbsp;

	&nbsp;