
TJA: Pirsgirêk bi bombebaranê û binavkirinê çareser nabe  

2019-06-20 16:38:22


	ŞIRNEX - Tevgêra Jinên Azad (TJA), li Cizîrê têkildarî êrîşa TSK'ê ya li Xakurkê û talankirina Heskifê daxuyanî da û got: "Pirsgirêka Kurd bi binavhiştin û bombekirina erdnîgarîya Kurd, talankirina warên dîrokî çareser nabe. Çareseriya pirsgirêkê bi muxatabgirtina Birêz Abdullah Ocalan çareser dibe."&nbsp;

	Tevgêra Jinên Azad (TJA), li navçeya Cizîrê ya Şirnexê têkildarî talankirina xwezaya erdnîgariya Kurd, bombekirina çiyayê Xakurkê û binavhiştina Heskifê daxuyanî da. TJA li avahiya HDP'ê ya Navçeya Cizîrê daxuyani dan û xwest talankirin û wêrankirin bi dawî bibe. Parlamentera HDP'ê ya Şirnexê Nuran Îmir, nûnerên TJA yên Amed, Êlih, Sêrt, Mêrdîn û gelek bajarên herêmê amade bûn. Parlamentera HDP’ê Nûran Îmîr, diyar kir ku xwest daxuyaniyê li Deriyê Sînorê Xabûrê yê navçeya Sîlopî bidin û wiha got: "Lê bi biryara Waliyê Şirnexê daxuyaniya me asteng kirin. Gelek endam û aktîvîstên me yên ji deverên cuda hatin tev li daxuyaniyê bibin li gelek nokteyên cuda rastî astengiyan hatin û hatin rawestdandin. Em wekî TJA'yê &nbsp;dê li dijî van astengiyên keyfî têkoşîna xwe berdewam bikin. &nbsp;Li hemû qadên demokratîk, ekolojîk û azadiya jinê bi navê "Polîtîkayên Ewlehiyê" di asta komkujiyê de talan dikin. Bi van êrîşan re armanc dikin ku vê erdnîgariya me bê mirov bihêlin. &nbsp;Bi zorê mirovan neçarî koçberiyê dikin. TSK di bin navê operasyona “Pençe” de li dervê sînor gundan bombe dike û sivîlan dikuje. Qadên sivîl bombe dike. Zevî, bax û bostanan dişewitîne. AKP-MHP beriya hilbijartinê bi polîtîkayên êrîşkar dixwaze li ser îktîdarê bimîne. Duh li Efrinê îro jî li Başûrê Kurdistanê êrîşan dike. Nasnameya Kurd û Kurdistanî li ku hebe êrîş dike. Em dizanin ku ev êrîş ji hev ne &nbsp;cuda ne. Dîsa li Heskifê warê dîrokî û çandî di bin avê de dihêlin. Heskif Mîrata cîhanê ye. Em dixwazin ev proje bi lez bê betalkirin. Dîsa em dixwazin operasyona li dervê sînor bi lez bi dawî bibe." &nbsp;

	&nbsp;

	JI BO ÇAREZERIYÊ OCALAN MUXATAB BIGIRIN

	&nbsp;

	Îmîr, herî dawî bal kişand ser çareseryê û wiha bi dawî kir: "Pirsgirêka Kurd bi binavhiştin û bombekirina erdnîgarîya Kurd, talankirina warên dîrokî çareser nabe. Çareseriya pirsgirêkê bi muxatabgirtina Birêz Abdullah Ocalan çareser dibe. Divê Brêz Abdullah Ocalan muxatab bê girtin. Dîsa 7 xalên bi rêya parêzeran parve kiriye xalên çareserî û aştiyê ye."&nbsp;

	&nbsp;