
DMME’ê derbarê wekîlên HDP’ê de ji Tirkiyeyê parastin xwest 

2019-06-19 10:03:59


	AMED – DMME’yê derbarê betalkirina wekîltiya 4 HDP’iyan ên berê de ji Tirkiyeyê parastinê xwest.&nbsp;

	Dadgeha Mafên Mirovan a Ewrûpayê (DMME), derbarê betlakirina wekîltiya HDP’iyan ên berê de Selma Irmak, Ahmet Yildirim, Osman Baydemîr û Îbrahîm Ayhan ê jiyana xwe ji dest da ji Tirkiyeyê parastinê xwest.&nbsp;

	&nbsp;

	Bi desteka tam a AKP-MHP’ê û bi beşek desteka CHP’ê di 20’ê gulana 2016’an de piştî guhertina di Makeqanûnê de pêk hatin destnedayîna 29 wekîlên AKP, 10 wekîlên CHP, 55 wekîlên CHP’ê û 53 wekîlên HDP’ê û parlamenterek serbixwe hatibû rakirin.&nbsp;

	&nbsp;

	Piştî destnedayîna 148 wekîlan, tenê wekîliya yên HDP’ê betal kirin. Hevserokên Giştî yên berê yên HDP’ê Selahattîn Demîrtaş û Fîgen Yuksekdag jî di nav de 9 wekîlên HDP’ê hatin girtin. Wekîliya 11 HDP’iyan bi hêcetên “bêdewamiya meclîsê” û “teqezbûna cazayê hepsê” betal kirin.&nbsp;

	&nbsp;

	JI BO 4 WEKÎLAN DAXWAZA PARASTINÊ&nbsp;

	&nbsp;

	Parêzerên Besîme Konca, Ferhat Encu, Faysal Sariyildiz, Osman Baydemîr, Fîgen Yuksekdag, Ahmet Yildirim, Nursel Aydogan, Tugba Hezer, Leyla Zana, Selma Irmak û Îbrahîm Ayhan ê li Hewlêrê di encama krîza dil de jiyanaxwe ji dest da bi hêceta “mafê wan ên hilbijartinê hatiye binpêkirin” bi boneya ku rêyên hiqûqê li Tirkiyeyê neman serî li DMME’yê dan.&nbsp;

	&nbsp;

	DMME’ê têkildarî betalkirina wekîliya Selma Irmak, Ahmet Yildirim, Osman Baydemîr û Îbrahîm Ayhan ji Tirkiyeyê parastin xwest. Pêvajoya darazê ya wekîlên din jî li DMME’yê didome.&nbsp;

	&nbsp;

	DMME’yê berê jî serlêdanên Tugba Hezer û Faysal Sariyildiz red kiribû. Ev cara yekemîne serlêdana ji bo 4 wekîlan qebûl kir û ji Tirkiyeyê parastinê xwest.&nbsp;

	&nbsp;

	Parêzer Reyhan Yalçindag Baydemîr li gorî parastina dê Tirkiye bide DMME’yê gavên pêwîst ên hiqûqî dê biavêjin.&nbsp;

	&nbsp;