
Demîrhan ê di greva birçîbûnê de çavekê wî kor bû nehat berdan 

2019-06-18 13:21:41


	MÊRDÎN - Endamê Meclîsa DBP’ê Bayram Demîrhan ê di çalakiya greva birçîbûnê ya li dijî tecrîdê de, çavê wî yê rastê kor bû, di danişîna xwe ya 11’emîn a hat dîtin de, nehat berdan.&nbsp;

	&nbsp;

	11’emîn danişîna doza derbarê endamê Meclîsa Partiya Herêmên Demokratîk (DBP) Bayram Demîrhan û siyasetmedarên Kurd Davût Bozan, Mehmet Alî Dayan, Mehmet Ceylan û Hasan Îlhan ên par hatin girtin de hat vekirin, li 2’yemîn Dadgeha Cezayê Giran a Mêrdînê hat dîtin. &nbsp;&nbsp;

	&nbsp;

	Endamê Meclîsa DBP’ê Bayram Demîrhan ê di çalakiya greva birçîbûnê ya li dijî tecrîdkirina Rêberê PKK’ê Abdullah Ocalan de, çavê xwe yê rastê winda kir û Mehmet Ceylan ji Girtîgeha Tîpa E ya Mêrdînê anîn danişînê. Davût Bozan ê li Girtîgeha Tîpa T a Tekîrdagê girtî, ne anîn danişînê. Hasan Îlhan û Mehmet Alî Dayan ên di dozê de ne girtî tên darizandin, li salona danişînê amede bûn. Parêzer û malbatên girtiyan jî beşdarî danişînê bûn.&nbsp;

	&nbsp;

	PARÊZER: GER KÊMASÎ HEBE ÇAWAN DIBE KU MUTALAA BÊ DAYÎN&nbsp;

	&nbsp;

	Piştî danasîna nasnameyan, dozgerê ku berê mutalaa dabû, cardin dûbare kir û xwest kesên tên darizandin bi îdîaya “Endamtiya rêxistinê” bên cezakirin. Barêzan jî, parastin kirin û gotin: “Li gel ku di dosyayên de hîna jî kêmasî hene, dozder di celseya 6’emîn de mutalaaya ku dabû dûbare kir û xwest biryara girtina girtiyan dewam bike. Ger kêmasî di dosyeyê hebin, çawan dibe ku dozger mütalaa dide. Ger mütalaa &nbsp;hatibe dayîn wê demê çima biryar nayê dayîn.”

	&nbsp;

	Parêzeran mutallaa weke “kopî bike û pêve bike” nirxandin û xwestin muwekîlên wan bên berdan û beraet kirin.&nbsp;

	&nbsp;

	DI 5’Ê NÎSANÊ DE DÊ BIRYAR BÊ DAYÎN

	&nbsp;

	Dadgeha ku mafê axaftinê neda kesên tên darizandin, diyar kir ku dê di danişîna bê de biryar bide û biryara dewamkirin girtina kesên girtî da. Dadgehê dûre danişîn talûqî 5’ê Îlonê kir.

	&nbsp;

	&nbsp;