
Li Girtîgeha Xarpêtê îşkence li girtiyên nimêj nakin hat kirin 

2019-06-18 09:57:47


	XARPÊT – Hat îdakirin ku girtiyên li Girtîgeha Jimara 1’an a Ewlehiya Bilind a Xarpêtê di hucreyên yek kesî de dimînin bi hêceta nimêj nakin îşkence û muameleya xerab li wan hat kirin.&nbsp;

	&nbsp;

	Girtîgeha Jimara 1’an a Ewlehiya Bilind a Xarpêtê bi îşkence û muameleya xerab dîsa di rojevê de ye. Hat îdakirin ku girtiyên li Girtîgehê di yek hucreyan de dimînin îşkence û muameleya xerab li wan hat kirin. Yek ji van girtiyan jî Ferît Bademkiran ê di 2015’an de li Amedê hat girtinê ye. Bademkiran di havîna 2017’an de sewqî Girtîgeha Jimara 1’an a Ewlehiya Bilind a Xarpêtê hatibû kirin.&nbsp;

	&nbsp;

	Bademkiran nêzî 5 mehan e di hucreya yek kesî de tê hiştin û ji bo rakirina tecrîdkirina Rêberê PKK’ê Abdullah Ocalan jî 88 roj di greva birçîbûnê de mabû. Piştî girtiyan çalakiya greva birçîbûnê bi dawî kirin li dijî wan zext hatine zêdekirin.&nbsp;

	&nbsp;

	‘ÎŞKENCE LI GIRTIYÊN NIMÊJ NAKIN HAT KIRIN’

	&nbsp;

	Malbata Bademkiran hefteya bihûrî bi kurê xwe re hevdîtin pêk anîn. Bavê Bademkiran, Bahrî Bademkiran da zanîn ku şalik danîne hucreyên girtiyan û girtiyên nimêj nakin îşkence, heqaret û muameleya xerab li wan kirine.&nbsp;

	&nbsp;

	‘BI TAYÎNKIRINA MIDÛRÊ NÛ RE ZEXT ZÊDE BÛNE’&nbsp;

	&nbsp;

	Bademkiran anî ziman ku kurê wî di greva birçîbûnê de gellek zeîf bûye û pirsigrêkên tenduristiyê pê re peyda bûne û baş nayê dermankirin. Bademkiran diyar kir ku ji ber îşkence li kurê wî hatiye kirin di hevdîtinê de wan nas nekiriye û bi tayînkirina midûrê nû re li girtîgehê zext zêde bûne.&nbsp;

	&nbsp;

	‘LI DIJÎ ÎŞKENCÊ BÊDENG NEMÎNIN’&nbsp;

	&nbsp;

	Bav Bademkirin xwest raya giştî li dijî îşkenceyê bi hestiyar be û banga piştevaniyê kir. Bademkiran anî ziman ku wî û malbatên girtiyên din ên îşkence li wan hatiye kirin serî Şaxa Komeleya Mafên Mirovan a Amedê dane û piştevaniya hiqûqî ji wan daxwaz kirine.&nbsp;

	&nbsp;

	Li ser van angaştan em li Miduriyeta Gîrtîgehê geriyan û bersiv nedan telefona me.&nbsp;

	&nbsp;

	MA / Ozgur Paksoy - Mehmet Şah Oruç

	&nbsp;