
Dilxwaz û gundî mudaxaleyî şewata Omeriya dikin 

2019-06-14 14:19:06


	MÊRDÎN - Şewata ku li herêma Omeriya piştî şer derket û destûr nayîn ku bi wesayîtên agirkujî bê vemirandin, dilxwaz û gundiyan dest bi mudaxaleyê kirin.&nbsp;

	Şewata ku duh li Gundê Çalê yê herêma Omeriya ya navçeya Nisêbînê ya Mêrdînê, piştî şerê di navbera leşkerên derketin operasyonê û HPG'iyan de derket, hê jî didome. Bi hinceta "ewlehiyê" destûr nayê dayîn ku bi wesayîtên agirkujê mudaxaleyî şewata ku heta sînorên gundên Xerabê Bava, Stîlîle, Ziving û Kurikê Stîlîleyê berbelavbûye. Li ser vê yekê dilxwaz û gundiyan mudalxeyî agir kirin.&nbsp;

	&nbsp;

	Li ser banga gundiyan 10 dilxwazên ku ji Nîsêbînê hatin û gundî bi hev re mudaxaleyî agirê ku bi pêgirtina giyayê hişk li hezaran donim erd berbelav bûye, dikin. Gundî bi kincên şil û guliyên daran mudaxaleyî agir dikin. Rêxistina Partiya Herêmên Demokratîk (DBP) a Nisêbînê jî çû herêma şewatê û bi gundiyan re mudaxaleyî agir dike.

	&nbsp;

	Ji ber ku herêm bi kaş û çiyayî ye mudaxaleya bi avê zehmet e. Lê heta niha mudaxaleya ku dikare bi hewayî bê kirin jî ji aliyê Miduriyeta Bajêr a Daristanê, Şaredarî û Walîtiyê ve nehatiye kirin. Heta niha li herêmê 200 donim erdê bi dar şewêtiye.&nbsp;

	&nbsp;

	BANGA HESTYARIYÊ

	&nbsp;

	Hevserokê DBP'ê yê navçeyê Celal Ata diyar kir ku divê bi awayekî lezgîn mudaxaleyî agir bê kirin û ev bang kir: "Di serî de nisêbînî û hemû kurdistanêî divê li hemberî vê texrîbatê bi hestiyar tevbigerin.&nbsp;

	&nbsp;

	&nbsp;