
Li herêma Omeriyan şewat belav dibe: Pêdivî bi dildaran heye

2019-06-14 11:14:06


	MÊRDÎN - Şewata, di dema şer û pevçûna pêr a li herêma Omeriyan a Nisêbînê rû da de bi daristanan ket, berfireh dibe. Polîs û leşkeran bi hinceta “Ewlekariyê” destûr nedan ekîbên agirkuj ku mudaxileya şewatê bikin. Niştecihên herêmê bang dildaran kirin.

	&nbsp;

	&nbsp;Li çoltera gundê Çalê ya herêma Omeriyan a navçeya Nisêbîn a Mêrdînê, pêr pevçûn dinavbera leşkerên derketibûn operasyonê û HPG’iyan de derket û liv û tevgera leşkerî hîna jî dewam dike. &nbsp;&nbsp;

	&nbsp;

	Şewata piştî şer û pevçûnê derket jî, hîna dewam dike û berfireh dibe. Hat diyar kirin ku şewat heya sînorê Xerabê Bava, Stîlîle, Zîvîng û Kurikê Stîlîlê berfireh bûye, polîs û leşker bi hinceta “Ewlekariyê” destûr nadin ku ekîbên agirkûj biçin herêmê û şewatê vemirînin. Li gorî agahiyên me ji ekîbên agirkuj girtin, hat diyar kirin ku bi hinceta herêma operasyona leşkerî, ji bo ketin û derketin herêmê destûr nayê dayîn. Hat ragihandin ku rayedarên leşkerî, ji ekîbên agirkuj re gotin ku divê cihê xwe neçin tu deverî.&nbsp;

	&nbsp;

	BANG LI DILDARAN KIRIN&nbsp;

	&nbsp;

	Welatiyên herêmê ji bo ku şewat berfirehtir nebe, bi derfetên xwe hewl didin mudaxileyî şewatê bikin û leşker tenê destûr didin ku mudaxileyê şewata derdora xwe bikin. Welatiyên herêmê, diyar kirin ku şewat li çolterên herêmê belav û gurtir dibe û divê demil dest mudaxileyî şewatê bê kirin. Welatiyan, da zanîn ku ger mudaxileyê şewatê neyê kirin, cih û warên wan dê bi talokeyek mezin re rû bi rû bimîne.&nbsp;

	&nbsp;

	PÊDIVÎ BI DILDARAN HEYE&nbsp;

	&nbsp;

	Niştecihên herê, fikarên xwe anîn ziman û ev bang li raya giştî kirin: “Kesên ku destên wan tiştekê jî digirin, bila bigirin destên xwe û werin vê derê. Destûr nadin ku şewata cihên bilind bê vemirandin. Lê qet nebe, em dikarin pêşiya şewata li cih û warên xwe bigirin. Li vê derê pêdiviya me bi dildaran heye.”

	&nbsp;