
Ji kavilê ku bi 5 zarokên xwe re tê de dijî, banga piştgiriyê kir

2019-06-14 09:18:38


	&nbsp;

	
			ŞIRNEX - Zelîha Ûçar a li gundekê Sîlopî, piştî 14 sal cezayê girtîgehê li hevjîna wê hat birîn necar ma ku bi 5 zarokên xwe re di xaniyekê kavil de têkoşîna jiyanê dide, ji mala ku hemû derên wê hildiweşe bang hestiyarê kir û ji bo ku mala wê bê sererastkirin piştgirî xwest.
	

	&nbsp;

	Dayika &nbsp;5 zarokan Zelîha Ûçar a li gunê Takyan a navçeya Sîlopî ya Şirnexê dijî, di maleke kavil a hemû derên wê hildiweşin de têkoşîna jiyanê dide. Ûçar tenê bi meaşê herî kêm ê ji bo dibistana zarokên wê tê dayîn, hewl dide debara xwe bike. Mala ku Ûçar bi 5 zarokên xwe re tê de dijî, hema bêje hemû dîwarên wê ji ber baran zêde ya bi mehan bariya şil bûne û hildiweşin. Ji ber bêhna rutûbetê mirov nikare bikeve xanî, gelek kun li serbanê xanî vebûne û di mehên havînê de jî, mar û dûpişk ji malê kêm nabin. &nbsp;

	&nbsp;

	'DI VAN ROJAN DE MIN 10 DÛPIŞK DÎTIN’

	&nbsp;

	Dayika 5 zarokan Ûçar dîwarên mala xwe yên hildiweşin nîşan dan û wiha behsa jiyana xwe kir: “Ji ber şert û mercên jiyanê û rutûbeta heyî, zarokên min tim nexweş dikevin. Ez jî nexweşim û ji ber rewşa madî ez nikarim tedawî bibim. Di zivîstanê de, serbanê me tim dilop dike. Mal pir kevne û bêxwediye. Tim dûpişk û mar derdikevin. Di van rojan de jî min nêzî 10 dûpişkan dîtin. Ez ditirsim ku tiştek bi zarokên min were. Ji ber wê tu carî wan bi tenê nahêlim.”

	&nbsp;

	Ûçar, da zanîn ku pêdiviyên wê yên rojane, gelek caran ji aliyê xizmên wê ve hatine pêşwazî kirin û wiha got: “Ez dixwazim mala xwe sererast bikim, lê ji ber derfetên min ên aborî tune ne, ez nikarim çêbikim.”&nbsp;

	&nbsp;

	Ûçar a dinava kêm derfetiyan de bi 5 zarokên xwe re têkoşîna jiyanê dide, ji bo ku mala wê bê sererastkirin û avakirin piştgirî xwest.&nbsp;

	&nbsp;