
Li HDP'ê pîrozbahiya cejnê: Têkoşîna demokrasiyê dê bi dome

2019-06-05 15:19:29


	NAVENDA NÛÇEYAN - Di roja duyemîn a Cejna Remezanê de, gel çûn avahiyên HDP'ê û cejn pîroz kirin. Di axaftinên bernayên piroz kirina cejnê hatin kirin de, ev peyam hatin dayîn: "Em di wê baweriyê dene ku daxwazên me yên aştî û demokrasiyê dê pêk werin û emê qezenc bikin."

	Li avahiyên Partiya Demokratîk a Gelan (HDP), di roja duyemîn a Cejna Remezanê de cejn hat pîrozkirin. Bi hezaran welatî çûn avahiyên partiyê û cejan hev pîroz kirin. Rêveberên HDP'ê yên di bernameyên pîroz kirina cejnê de axivîn, bal kişandin ser çalakiyên greva birçîbûn û rojiya mirinê yên di rojên derbasbûyî de li ser banga Rêberê PKK'ê Abdullah Ocalan bi dawî bûn. Di axaftinan de hat gotin ku têkoşîna aştî û demokrasiyê dê dewam bike.&nbsp;

	&nbsp;

	LI AMEDÊ CEJNA HEV PÎROZ KIRIN&nbsp;

	&nbsp;

	Li avahiya rêxistina HDP'ê ya Amedê, parlementerên partiyê, Hevşaredarên Bajarê Mezin û navçeyên Amedê, rêveber û endamên partiyê serdanên gel ên cejnê qebûl kirin. Dayikên Aştiyê û bi sedan welatî li avahiya partiyê cejna hev pîroz kirin. Hevserokê HDP'ê yê Bajêr Zeyyat Ceylan, di bernameya cejna hev pîrozkirinê de axaftinek kurt kir û wiha got: "Ev hem serdanekê cejnêye û hem jî xwedî derketin polîtîk û siyasiye. Em hêvî dikin ku li ser vê erdnîgeriyê cejn bibe wesîleya aştiyê. Em bi vê boneyê, cejna tevahiya gelê xwe pîroz dikin."

	&nbsp;

	LI RIHA DAXWAZA EDALETÊ&nbsp;

	&nbsp;

	HDP’ê li avajiya Rihayê bi gel re cejn pîroz kir. Parlementerên HDP’ê Ayşe Surucu, Omer Ocalan û Nîmetûllah Erdogmûş, Hevşaredarê Pirsûsê Abdullah Polat û rêveberên bajêr û navçeyan beşdarî pîrozbahiyê bûn. Hevseroka HDP’ê ya Riha Adîle Oncel di pîrozkirina cejnê de axaftinek kurt kir û wiha got: “Em hêvî dikin ku ev cejn bibe wesîleya aştî, yekitî û edaletê. Em ji bo hemû gelên Rojhilata Navîn vê daxwazê dikin. Baweriya me bi yekgirtina hêza cejnan tê.”&nbsp;

	&nbsp;

	Piştî li avahiya &nbsp;partiyê cejn hat pîrozkirin, şandeyek ji parlementer û rêveberiyên bajêr pêk tê, Platforma Şaxa KESK’ê ya Riha, Baroya Riha, Komeleya Elewiyên Riha, partiyên CHP, Partiya Saadetê, Partiya Kedê û rêxistinên civaka sîvîl ên li bajêr ziyaret kirin û cejna wan pîroz kirin.

	&nbsp;

	LI ÇÛKÛROVA JÎ, HÊVIYA AŞTIYÊ

	&nbsp;

	Li Edenê, Mêrsîn, Antalya, Osmaniye û Hatayê jî, rêxistinên HDP’ê li avahiyên xwe bi gel re cejn pîroz kirin. Parlementera Edenê Tulay Hatîmogûllarî bi boneya cejnê, cejna welatî û endamên partiyê pîroz kir. Hatîmogûllarî di pîrozkirina cejnê de, hêvî kir ku ev cejn bibe cejna aştiyê.

	&nbsp;

	LI ÎZMÎR'Ê PEYAMA DEMOKRASIYÊ&nbsp;

	&nbsp;

	Rêxistina HDP'ê ya Îzmîrê jî, bi boneya pîrozkirina cejnê li avahiya partiyê bi gel re hatin gel hev. Parlementer Serpîl Kemalbay û Mûrat Çepnî, dayikên laçik spî û gelek welatî beşdarî bernameya pîrozbahiyê bûn. &nbsp;Kemalbay, di bernameya pîrozkirinê de axivî û got: "Berxwedana greva birçîbûnê bi serkeftin bi encam bû. Ji ber vê em cejnê bi keyfxweşiyek mezin pêşwazî dikin. Têkoşîna demokrasî, aştî û azadiyê dê teqez bi ser bikeve." Parlementer Mûrat Çepnî jî, di axaftina kir de wiha got: "Em hêvî dikin ku ev cejn bibe wesileya serkeftina têkoşîn û berxwedanê."

	&nbsp;