ROJEVA 1'Ê HEZÎRANA 2019'AN

2019-06-01 09:00:43


	* Li Edeneyê xwendevanên Ozgur Lîse û Kovara Kaldiraçê, gotin ew bi zext û zoriyên polîsan re rû bi rû dimînin. Xwendevanan, bilêv kir ku ew ê li ber van zext û zoriyan serî netewînin. 

	* Endamên meclîsa Şaredariya Peyasê ji ber nexwestin avahiya kreşa zarokan bê valkirin ji aliyê parêzvanên qeymeqam û polîsan ve hatibûn derbkirin. Endaman li nerxweşxaneyê rapora derbkirinê girtin û wê giliyê kesên ew derb kirine bikin. 

	 

	* Nûnerê DÎHA'yê yê Êlihê Kadrî Kaya di 29'ê Cotmeha 2018'an de jiyana xwe ji dest dabû. Lê belê Dadgeha Cezayê Giran a 3'yan a Êlihê, piştî mirina Kaya bi 8 mehan 2 sal û mehek ceza li Kaya birî. Dadgehê di biryara xwe de diyar kir ku cezayê hatiye birîn bi tu awayî nayê taloqkirin. 

	 

	* Sedat Akin ku li dijî tecrîda Îmraliyê 140 rojan di grev abirçîbûnê de ma û hat tabûrcîkirin, kampanyayek da destpêkirin û di çarçoveya kampanyayê de pirtûk şandin girtîgehan. 

	 

	* Hevserokê KCD'ê Berdan Ozturk, diyar kir ku Ocalan bi pêşniyarên xwe rê li ber çareserkirina pirsgirêkên Tirkiye û Rojhilata Navîn vekiriye û got: "Li cîhanê mînakên pirsgirêkên bi vî rengî hene. Çareserî jî diyalog û muzakere ye." 

	 

	* Ji Cejna Remezanê re çend roj mane lê belê ne esnafên Emînonuyê û Çarşiya Misirê ne jî welatî ji rewşa heyî razî ne. Esnaf dibêjin kar nabe, welatî jî dibêjin her tişt biha bûye. 

	 

	* Nivîskarê romana "Yol" Bûrhan Evîz, ji ber sewqî Girtîgeha Tîpa T a Eşenê ku girtiyên siyasî lê tune ne hat kirin dest bi greva birçîbûnê kir. Evîz, di hucreyê de dimîne û ragihand ku heta daxwaza wî neyê qebûl kirin ew ê dev ji çalakiya xwe bernede. 

	 

	*  Li Cizîrê, Şîrîn Ozdemîr ku 5 sal in bi nanê li ser çopan berhev dike debara malbata xwe dike ji bo alîkariyê bang li her kesî kir. 

	 

	* Li ser Pira Deh Derî ku yek ji berhemên herî dîrokî ya Amedê ye û ji bo çûnhatina wesayîtan girtiye, texsî peyaseyê dikin.

	 

	* Parêzer Newroz Ûysal û Rêzan Sarica, hûrguliyên hevdîtina 22'yê Gulanê ya li Îmraliyê vegotin û diyar kirin ku Ocalan ji bo "têkiliyên di kurd-tirkan xirabtir nebin û rê li ber vê yekê bigire" û ji bo aştiyeke birûmet tev digere. 

	 

	* Dayikên Şemiyê, ji bo ku aqobeta windayan bipirsin û daxwaza faîl bên darizandin bikin, dê di çalakiya heftane ya 740'emîn de, li Qada Galatasarayê kom bibin. (12.00)

	 

	* Xizmên windayan û parazvanên mafên mirovan, li Amed û Êlihê dê çalakiya xwe ya "Bila winda bên dîtin û faîl bên darizandin" li dar bixin. (12.00)

	 

	* Komîsyona Girtîgeha a Şaxa ÎHD'ê ya Stenbolê, bi daxwaza bila girtiyên nexweş bên berdan, dê di hefteya 375'emîn de "Rûniştina F" li Qada Galatasarayê pêk bîne. (13.30)

	 

	* Şaxa ÎHD'ê ya Îzmîrê, bi dirûşmeya "Bila winda bên dîtin û faîl bên darizandin" dê li ber Sumerbang a navçeya Konakê daxuyanî bide çapemeniyê. (13.00)

	 

	* Endamên Înîsiyatîfa Azadiya Girtiyên Nexweş, ji bo ku balê bikişînin ser rewş tenduristiya girtiyên nexweş, dê li Şaxa ÎHD'ê ya Enqerê civîna çapemeniyê li dar bixe. (14.00)