
Li Xarpetê 3 çalakgerên tedawiya wan nayê kirin xwîn vedireşin

2019-05-27 16:47:00


	&nbsp;

	XARPÊT- Li Girtîgeha Ewlekariya Bilind a Hejmara 2 a Xarpêt, 3 girtiyên di roja 160’an de dawî li çalakiya xwe greva birçîbûnê anîn, ji ber ku tedawiya wan nayê kirin, xwîn vedireşin.

	&nbsp;

	Li Girtîgeha Ewlekariya Bilind a Hejmara 2 a Xarpêt, Cengaver Aykûl, Serkan Eren û Yasîn Gungor ên piştî banga Rêberê PKK’ê Abdullah Ocalan, di roja 160’an de dawî li greva xwe ya birçîbûnê anîn, xwîn vedireşin. &nbsp;&nbsp;

	&nbsp;

	Rêveberiya girtîgehê ya daxwaza girtiyan a ji bo sewqkirina nexweşxaneyê pişt guh dike, ligel ku got ewê li nexweşxaneya kampusa girtîgehê girtiyan tedawî bikin jî, hîna dest bi tedawî kirin tu girtiyan nekiriye. &nbsp;&nbsp;

	Parêzeran diyar kir ku Cengaver Aykûl, Serkan Eren û Yasîn Gungor ên ev 160 roj bûn di greva birçîbûnê de, xwîn vedireşin. &nbsp;

	&nbsp;

	Di heman demê de hat diyar kirin ku rewşa Remziye Akdag a li qawîşa jinan dimîne jî pir krîtîk bûye.&nbsp;

	&nbsp;