
Girtiyên greva xwe ya birçîbûnê bi dawî kirin radikin nexweşxaneyan

2019-05-26 19:08:57


	&nbsp;

	NAVENDA NÛÇEYAN - Girtiyên li girtîgehên Wan, Mêrdîn, Patnos, Sêrt, Mêrsîn, Kandira, Maltepe, Umraniye û Bolû di grevên birçîbûnê û rojiya mirinê de, piştî çalakiya xwe ya greva birçîbûnê bi dawî kirin, sewqî nexweşxaneyan tên kirin. &nbsp;&nbsp;

	&nbsp;

	Girtiyên li girtîgehên Wan, Mêrdîn, Patnos, Sêrt, Mêrsîn, Kandira, Maltepe, Umraniye û Bolû piştî peyama Rêberê PKK'ê Abdullah Ocalan dawî li çalakiya xwe ya grevên birçîbûn û rojiya mirinê anîn, sewqî nexweşxaneyan tên kirin. &nbsp;&nbsp;

	&nbsp;

	GIRTÎGEHÊN STENBOL

	&nbsp;

	Li Girtîgeha Sergirtî ya Hejmar 1 a Maltepe, parêzeran xwestin bi hikumxaran re hevdîtin bikin, lê rayedarên girtîgehê bi hinceta "hikumxarin' destûr nedan hevdîtin parêzeran a bi girtiyan re.&nbsp;

	&nbsp;

	Parêzerên li Girtîgeha sergirtî ya Hejmara 2 a Maltepe bi girtiyan re hevdîtin kirin, anî ziman ku girtî dê sibe daxwaznayê bidin rayedarên girtîgehê. Parêzeran, dan zanîn ku bi rêveberiya her du girtîgehan re jî hevdîtin kirin û rayedarên girtîhan ji wan re gotine ku dê girtiyan sewqî nexweşxanê bikin û tu pirsgirêk dernakeve.

	&nbsp;

	LI KANDIRA KOMA YEKEMÎN HAT SEWQ KIRIN&nbsp;

	&nbsp;

	Li Girtîgeha Tîpa F a Hejmara 1 a Kandira koma yekemîn îro hat sewqkirin. Li Girtîgeha Tîpa M a Gebze jî, hat diyar kirin ku girtiyan daxwaznameyên xwe dane û dê sewqî nexweşxanê bên kirin.

	&nbsp;

	BI HINCETA HIKUMXARIN DESTÛRA HEVDÎTÊ NEHAT DAYÎN

	&nbsp;

	Li girtîgeha Umraniyê, bi hinceta hikumxarin destûr ji bo parêzeran nehat dayîn ku bi girtiyan hevdîtin bê kirin.&nbsp;

	&nbsp;

	Li Girtîgeha Bolû jî, rayedarên girtîgehê bi hinceta piştî saet 16.30'an hevdîtin nayê kirin, destûr neda hevdîtina parêzeran.

	&nbsp;

	JI GIRTÎGEHA SÎLÎVRÎ AMBÛLANSA YEKEMÎN DERKET

	&nbsp;

	Ambûlansên hatin Girtîgeha Sîlîvrî li baxçeyê girtîgehê hatin rawestandin. Ambûlansa yekemîn ji girtîgehê derket. Hat diyar kirin ku dê girtiyan sewqî nexweşxaneyên dinava kampusa girtîgehê bikin.

	&nbsp;

	LI MÊRDÎNÊ GIRTÎ HATIN KONTROL KIRIN&nbsp;

	&nbsp;

	Li Girtîgeha Tîpa E ya Mêrdînê 104 girtî di greva birçîbûnê &nbsp;de bûn. Girtiyan piştî peyama Ocalan dawî li çalakiya xwe anî. Bijîşkên girtîgehê dest bi kontrola girtiyan kirin. Piştî kontrolên bijîşkên li girtîgehê, dê girtî sewqî Nexweşxaneya Dewletê ya Mêrdînê bên kirin.&nbsp;

	&nbsp;

	25 GIRTÎ LI MÊRSÎNÊ HATIN SEWQ KIRIN

	&nbsp;

	Hat diyar kirin ku 25 Girtiyên li Girtîgeha Sergirtî ya T1 a Tarsûsê jî, ji bo tedawiyê rakirin nexweşxanê. Hat destnîşan kirin ku girtî sewqî nexweşxaneyên Tarsûs û Mêrsînê hatine kirin. &nbsp;Parêzerên ku sewqên girtiyan dişopînin, diyar kirin ku dê girtiyên din jî sibe sewqî nexweşxaneyan bên kirin.

	&nbsp;

	LI WANÊ JÎ DEST BI SEWQAN HAT KIRIN

	&nbsp;

	Li Girtîgehên Tîpa T a Wan, Tîşa F a Wanê û Girtîgeha Sergirtî ya Ewlekariya Bilind a Wanê, dest bi sewqên girtiyan hatin kirin. 6 jê di rojiya mirinê de 307 girtî yek bi yek tên sewq kirin. &nbsp;&nbsp;

	&nbsp;

	3 BIJÎŞK ANÎN GIRTÎGEHA SÊRTÊ&nbsp;

	&nbsp;

	Li Girtîgeha Tîpa E ya Sêrtê, li şûna ku girtiyan sewqî nexweşxanê bikin, 3 bijîşk anîn girtîgehê û ev 3 bijîşk girtiyan muayene dikin. Dê di encama muayeneyên bên kirin de girtî sewqî nexweşxaneyan bên kirin.&nbsp;

	&nbsp;

	GIRTIYÊN LI PATNOS JÎ HATIN SEWQ KIRIN&nbsp;

	&nbsp;

	Li Girtîgeha Tîpa L a Patnosê jî, Senar Efe, Bûrhan Şik, Faysal Atak û Şafîî Kayihan ên di 10'ê Gulanê de dest bi rojiya &nbsp;mirinê kirin jî bi ambûlansan sewqî nexweşxanê hatin kirin.&nbsp;

	&nbsp;

	Nehat zanîn ku girtî sewqî kîjan nexweşxanê hatin kirin.

	&nbsp;

	&nbsp;

	&nbsp;