
Ji rojnameger Demîr re ceza hat xwestin

2019-05-23 15:34:46


	&nbsp;

	STENBOL - Di rûniştina yekemîn a doza rojnameger Necla Demîr de dozger mutalaa da û daxwaz kir ku Demîr bê cezakirin.&nbsp;

	&nbsp;

	Rûniştina yekemîn doza ku bi angaşta "Propagandaya rêxistinê" kiriye, li Xwediya Îmtiyazê ya Rojnameya Karinca Necla Demîr hatibû vekirin, li 33'yemîn Dadgeha Cezaya Giran a Stenbolê hat dîtin. Rûniştina ku Demîr û parêzerê xwe lê amade bûn, gelek rojnamegeran şopand. Di rûniştina ku bi tespîtkirina nasnameyê dest pê kir de Demîr parastina xwe kir.&nbsp;

	&nbsp;

	LI DIJÎ AZADIYA ÇAPAMENIYÊ YE

	&nbsp;

	Rojnameger Demîr di parastina xwe de ev tişt anî ziman: "Angaştnameya têkildarî nûçeyên Efrînê yên ku di sala 2018'an de di Gazete Karincayê de derketine û derbarê min de hatiye amadekirin, li dijî hiqûq û azadıya çapameniyê ye. Di çarçoveya azadiya fikir û xwe îfadekirinê de nûçe ji bo agahdarkirina raya giştî hatine çêkirin. Ev angaştname li derveyî sînorên azadiya îfadekirinê ya ku di çarçoveya Makeqanûn û Peymana Mafê Mirova a Ewropayê de hatiye pênasekirinê ye. Tewanên derbarê xwe de qebûl nakim. Di çaroveya rojnamegeriyê de nûçegîhanî hatiye kirin. Ji ber vê sedemê beraata xwe dixwazim."&nbsp;

	&nbsp;

	Parêzerê Demîr Ozcan Kiliç jî ev tişt got: "Di angaştnameyê de tên gotin ku sûc bi rêya çapemeniyê pêk hatiye lê ji bo weşanên dijîtal qada pêkanîna vê yekê tuneye."&nbsp;

	&nbsp;

	DOZGER CEZA XWEST

	&nbsp;

	Piştî parêzer Kiliç dozgerê dadgehê mafê axaftinê girt û mutalaaya xwe têkildarî esasê pêşkêşî dadgehê kir. Dozger angaşt kir ku Demîr sûc kiriye û bi angaşta "Bi awayekî zincîrî propagandaya rêxstrinê" kiriye daxwaz kir ku ceza li Demîr bê birîn. Li ser daxwaza demê ya Demîr û parêzer, heyeta dadgehê rûniştinê taloqî 11'ê tîrmehê kir.&nbsp;

	&nbsp;