
Li Esenyûrt û Dersîmê bi çalakiyên meş û rûniştinê tecrîd şermezar kirin

2019-05-19 21:29:32


	&nbsp;

	DERSIM / STENBOL - Malbat û dayikên ku zarokên wan girtî, bi armanca piştgiriyê bidin zarokên xwe yên di greva birçîbûnê de, li Esenyurt a Stenbolê çalakiya meşê li dar xistin, li Dersimê jî çalakiya rûniştinê li dar xistin.&nbsp;

	&nbsp;

	Çalakiyên malbat û rêveberên HDP'ê ya piştgiriya girtiyan û li dijî tecrîdê berdewam dikin. Dayikên Laçik Spî yên ku zarokên wan li dijî tecrîdkirina Îmraliyê li girtîgehan di greva birçibûnê û rojiya mirinê de ne, bi armanca balê bikişînin ser daxwazên zarokên xwe li Esenyurt a Stenbolê çalakî li dar xistin. Rêxistina HDP'ê ya Dersimê jî çalakiya rûniştinê li dar xist.&nbsp;

	&nbsp;

	STENBOL&nbsp;

	&nbsp;

	Malbatên girtiyan li Qada Esenyurt ê tevî dorpêç û astengiya polîsan dîsa kom bûn û çalakiya rûniştinê li dar xistin. Malbatên Girtiyan, Endam û rêveberên (HDP) li pêş avahiya HDP'ê ya Esenyurtê kom bûn û heta qada Esenyurtê meşiyan. Malbat piştî demekê li qade rawestiyan li vir çalakiya rûniştinê li dar xistin. Polisên hatin qadê nasnameya hemû çalakgeran kom kirin û di GBT'ê re derbas kirin. Polîsan demek kurt malbat bi maşîneyên zirxî dorpêç kirin û destûr nedan çalakiyê li dar bixin. Malbat tevi astengiya polîsan piştî kontrola GBT'ê dîsa meşiyan heta avahiya HDP'ê û diyar kirin ku wê dîsa bên.&nbsp;

	&nbsp;

	DERSİM&nbsp;

	&nbsp;

	Rêxistina HDPê ya Dersimê jî bi heman armancê di roja 14’emin de li Qada Seyit Riza çalakiya rûniştinê berdewam kirin. Hevserokên HDP'ê yên Desimê, Nûnerên partiyên siyasî û rêxistinên demokratîk û gelek kesên din tev li çalakiyê bûn. Çalakger bi Laçikên Spî tev li çalakiyê bûn û pankarta “Deng bidin jiyanê û mila kes nemire" vekirin. Çalakiya rûniştinê bi çepikan bi dawî bû.&nbsp;

	&nbsp;

	&nbsp;

	&nbsp;

	&nbsp;