
‘Pêwîstiyên girtiyên di grevê de nayên pêşwazîkirin’

2019-05-14 13:52:13


	AMED – Parlamentera HDP’ê ya Amedê Remziye Tosûn nedayîna şekir, xwê, dew û vîtamîna B1 a girtiyên li Girtîgeha Jinan a Sîncanê, ji Wezîrê Dadê Abdulhamît Gul pirsî.&nbsp;

	&nbsp;

	Parlamentera Partiya Demokratîk a Gelan (HDP) a Amedê Remziye Tosûn têkildarî nedayîna şekir, xwê, dew û vîtamîna B1 a 2 girtiyên jin ên li Girtîgeha Jinan a Sîncanê, bi daxwaza ku Wezîrê Dadê Abdulhamît Gul bibersivîne, pêşniyaz pirsek da Serokatiya Meclisê.&nbsp;

	&nbsp;

	Tosûn di pêşniyaz pirsa xwe de destnîşan kir ku bi malbata girtiya bi navê Sariye Taşkesen ku ji 26’ê Kanûna 2018’an ve û Leyla Uyanik ku ji 1’ê Adarê ve di grevê de ne re hevdîtinan kiriye û malbatan jê re ragihandiye ku rêveberiya girtîgehê şekir, xwê, dew û vîtamîna B1 nade zarokên wan û destûr nade ku zarokên wan kincên xwe bişon.&nbsp;

	&nbsp;

	Tosûn têkildarî mijarê van pirsan ji Wezîrê Dadê Abdulhamît Gul kir;&nbsp;

	&nbsp;

	*Rast e ku li Girtîgeha Jinan a Sîncanê pêwistiyên şekir, xwê, dew û vîtamîna B1 ên girtiyên ku di grevê de ne nayên bersivandin? Heke rast be sedema vê yekê çî ye?

	&nbsp;

	*Angaşta ku li Girtîgeha Jinan a Sîncanê bi awayekî rêk û pêk xwarinê, nadin refaqetçiyên girtiyên di grevê de, rast e?

	&nbsp;

	*Ji bo daxwazên girtiyan bên bersivandin, dê wezareta we bikeve nav hewldanekê?

	&nbsp;