
Ligel astengiyan jî li ber Girtîgeha Gebze rûniştin

2019-05-13 14:43:04


	STENBOL - Çalakiya rûniştinê ya malbatên girtiyên li dijî tecrîda li Îmraliyê di greva birçîbûnê dene, ya li ber Girtîgeha Gebze ligel hemû astengiyên polîsan jî dewam kir.&nbsp;

	&nbsp;

	Çalakiya nobetê ya malbatên girtiyên zarokên wan li dijî tecrîda li Îmraliyê di greva birçîbûnê dene, ya li ber Girtîgeha Sergirtî ya Jinan a Gebze, di roja 35’emîn de dewam kir. Malbatên li avahiya Rêxistina Partiya Demokratîk a Gelan (HDP) ya Navçeya Gebze kom bûn, dûre li wesayîtên xwe siwar bûn û ber bi girtîgehê ve ketin rê. Dayik çawan gehiştin ber girtîgehê, polîsan pêşiya wan girtin. Malbatên ji wesayîtên xwe peya bûn, ligel hemû astengiyan jî, çalakiya rûniştinê li dar xistin.

	&nbsp;

	‘JI BO KU ZAROKÊN ME BIJÎN’

	&nbsp;

	Polîsan ji malbatên heya demekê rûniştin re gotin ev çalakî qedexeye û ger rûniştin dewam bike, ewê mudaxile bikin. Dayikan jî ji polîsan re gotin: “Ji bo ku zarokên me bijîn em li vê derê ne.” Polîsan li ser vê heqaret li dayikan kirin û gotin: “Bila zarokên we nebûna terorîst û ne ketibana girtîgehan.” Dayikan bersiv dan polîsan û wiha hirsa xwe anîn ziman: “A rastîn hûn piştgiriyê didin terorîstan. Hûn bi xwe terorîstin.”

	&nbsp;

	Malbat û sdayik, piştî çalakiya rûniştinê li wesayîtên xwe sîwar bûn û derbasî avahiya HDP’ê ya Gebzê bûn.&nbsp;