
Di meha nîsanê de 20 akademîsyen mehkûm bûn û 6 rojnameger hatin girtin

2019-05-10 13:59:28


	&nbsp;

	ENQERE - Li gorî rapora meha nîsanê ya binpêkirina mafan a parlamenterê CHP’ê Sezgîn Tanrikûlû &nbsp;bi giştî 60 binpêkirinên mafan pêk hatine. Di raporê de hat diyarkirin ku 20 akademîsyen mehkûm bûne û 6 rojnameger hatin girtin.&nbsp;

	&nbsp;

	Parlamenterê CHP’ê yê Stenbolê û Serokwekîlê Komîsyona Lêkolînên Mafên Mirovan ê Meclisê Sezgîn Tanrikûlû, “Rapora Nîsana 2019’an a Binpêkirina Mafan a Tirkiyeyê” aşkera kir.&nbsp;

	&nbsp;

	Di raporê de hat diyar kirin ku di çarçoveya binpêkirina mafê jiyanê de 60 binpêkirinê pêk hatine. Ji vana, 2 kesan di encama “Înfaza bêdaraz, hişyariya rawestandinê, gulebarana bê ser û ber” de jiyana xwe ji dest daye û kesek jî birîndar bûye. Di raporê de tê destnîşankirin ku di meha nîsanê de “ji ber şer û pevçûnan” 9 kesan jiyana xwe ji dest daye û 19 kes jî birîndar bûne, di çarçoveya “mirina bi guman a leşkeran” de 2 kesan jiyana xwe ji dest daye, di encama “şer û pevçûnên sivîl” de jî 2 kes birîndar bûne û di ser navê “penaberan” de jî kesekî jiyana xwe ji daye.&nbsp;

	&nbsp;

	Di raporê de tê diyarkirin ku 36 jin jî ji aliye zilaman ve hatine kuştin.

	&nbsp;

	BÛYERÊN ÎSKENCEYÊ 255

	&nbsp;

	Di ser navê bûyerên îskenceyê de jî tê ragihandin ku bi bi giştî 255 binpêkirin pêk hatine. Ji vana, di çarçoveya “îskenceyê” de 69 binpêkirin û di çarçoveya “memeleya xerab û îskenceya li girtîgehan” de jî 186 binpêkirin pêk hatine.&nbsp;

	&nbsp;

	6 ROJNAMEGER HATIN GIRTIN

	&nbsp;

	Di raporê de binpêkirinên di bin sernavê azadiya raman û xwe anîna ziman de jî wiha hatine rêzkirin: Rojnameger û weşangerên hatine mehkûmkirin 11, rojnamegerên hatine binçavkirin 5, rojnamegerên hatine girtin 6, anîna ziman a ramanê 3, hunermend, siyasetmedar û nivîskarên hatine binçavkirin û girtin 2, akademîsyenên mehkûm bûne 20, kesên ji ber parvekirinên xwe yên medya civakî hatine binçavkirin 21, kesên ji ber parvekirinên xwe yên medya civakî hatine girtin jî 4.

	&nbsp;

	306 KES DI ÇALAKÎ Û BERNAMEYAN DE HATIN BUNÇAVKIRIN

	&nbsp;

	Di raporê de binpêkirinên di bin sernavê azadiya di çarçoveya rêxistibûnê de jî wiha hatine rêzkirin; parlamenter, rêveberên partiyê, şaredar 2, serdegirtina partiyê 1.&nbsp;

	&nbsp;

	Her wiha di raporê de cih ji binpêkirinên di çarçoveya azadiya civîn û xwepêşandanan re jî hatiye veqetandin. Li gorî vê yekê; daxuyaniyên ku mudaxaleyî wan hatine kirin û çalakî 115, çalakî, şano û xwepêşandanên ku hatine qedexekirin 23, bajarên ku çalakÎ û bernameyên wan hatine qedexekirin 8, kesên ku di çalakî û daxuyaniyên çapameniyan de hatine binçavkirin 306, kesên ku di çalakî û daxuyaniyên çapameniyan de hatine binavkirin 2.&nbsp;

	&nbsp;