
Mizrakli: Pêdivî ne bi amûra X-Ray bi aqlê selîm heye  

2019-05-08 20:19:43


	&nbsp;

	AMED – Polîsan xwestibû bi darê zorê amûra X-Ray û qulûbeya polîsan li ber Şaredariya Bajarê Mezin a Amedê bi cih bikin. Hevşaredar Selçûk Mizrakli, diyar kir ku polîsan ji wan re gotiye "bi şaşî çêbûye" û got: "Me daxwaza tiştekî wisa nekiriye û pêdiviya me bi tiştekî wisa jît une ye. pêdiviya Tirkiyeyê bi aqlê selîm heye."&nbsp;

	&nbsp;

	Piştî şaredariyên HDP'î yên Mêrdîn, Cizîr, Hezex û Silopiyayê ku polîsan bi zorê amûra X-Ray li ber deriyên wan bi cih kir, vê carê xwestin bi heman awayî li ber Şaredariya Bajarê Mezin a Amedê jî bi cih bikin. Lê belê ji ber belgeya polîsan a fermî tune bû peywirdarên şaredariyê nehiştin polîs têkevin şaredariyê. Polîs hîn jî tevî wesayîtên xwe yên zirxî li ber şaredariyê ne.&nbsp;

	&nbsp;

	Piştî vê Hevşaredarê ŞBMA'yê Selçûk Mizrakli û endamên meclîsa şaredariyê hatin ber şaredariyê. Her wiha hevşaredarên Sûr û Peyasê û endamên meclîsên wan jî ji bo piştgiriyê hatin ber avahiya şaredariyê.&nbsp;

	&nbsp;

	&nbsp;

	‘PÊDIVÎ BI AQLÊ SELÎM HEYE'&nbsp;

	&nbsp;

	Hevşaredar Selçûk Mizrakli têkildarî mijarê pirsên rojnameyan bersivandin. Mizrakli, diyar kir ku ji bo vê yekê tu tiştek nehatiye teblîxkirin û got: "Şaredarî, kesayetiyên tuzel in. Di warê ewlehiyê de tevdîrên şaredariya me hene. Yanî di warê pergala X-Ray û ewlehiyê de tevdîrên wê hene. Pêdivî bi tiştekî wisa tune ye. Tu daxwazekeme me ya di vî warî de çênebûye."

	&nbsp;

	Mizrakli, destnîşan kir ku pêdiviya raya giştî ya Tirkiyeyê bi aqlê selîm heye û got: "Şaredarî malên gel in. Mala min e jî. Em ê xwedî li emaneta gel derkevin."&nbsp;

	&nbsp;

	POLÎS: BI ŞAŞÎ ÇÊBÛYE&nbsp;

	&nbsp;

	Polîsa, jî diyar kir ku ji ber li ber şaredariyê qelabalixî çêbûye ew hatine û ji bo ketian polîsan a şaredariyê jî gotin: "Bi şaşî çêbûye."&nbsp;