
Roja Nivîskarên Girtî: Bi piştevaniyê pirsgirêk çareser dibin

2017-11-15 14:43:06


	STENBOL - &nbsp;Nivîskar û rêxistinên çapemeniyê bi minasebeta 15'ê Mijdarê Roja Nivîskarên Girtî ya Cîhanê, ji bo azadiya nivîskarên girtî duxayinî dan û diyar kirin ku li welatê azadiya çapemeniyê tune be, demokrasî jî nabe. Nûneran diyar kirin ku dikarin bi piştevaniyê dikarin pirsgirêkan çareser bikin.&nbsp;

	Navenda PEN'a Tirkiye, Sendîkaya Nivîskarên Tirkiye, (TYS), Cemiyeta Rojnamegerên Tirkiye, (TGC), Sendîkaya Rojnamegerên Tirkiye (TGS) û Yekineya Weşanên Tirkiye (TYB), bi minasebeta 15'ê mijdarê Roja Nivîskarên Girtî ya Cîhanê li Salona Civinê ya Cezayirê civîna çapemeniyê pêk anî. Li salonê ji ber rojnameger û nivîskarên girtî ji bo nûnertiya wan kursiyek vala hat hiştin.&nbsp;

	&nbsp;

	EM TENÊ EDALETE DIXWAZIN

	&nbsp;

	Ewil Seroka Navenda Tirkiye ya PEN'ê Zeynep Oral, diyar kir ku ew dixwazin li welate hiqûqê bijîn û wiha got: "Em edaletê ku pîvana demokrasî û komarê ye dixwazin. Em zêde tiştekî naxwazin. Tenê edalete dixwazin.Em dixwazin rojnameger û nivîskarên girtî serbest bên darizandin.&nbsp;

	&nbsp;

	Oral, anî ziman ku her sal 5 rojnameger û nivîskaran derdixin pêş û wiha got: "Îsal em Casario Alejandro Felix Padila, &nbsp;Nouyen Ngoc Nhu Quynh, Razan Zaitouneh, Zehra Dogan, Ramon Esono Ebalê derdixin pêş. Em bang li rayedaran dikin ku erka xwe ya edaletê pêk binin.&nbsp;

	&nbsp;

	Seroka TYS'ê Suna Aras jî anî ziman ku Tirkiye peymanên Neteweyên Yekbûyî, Peymana Navneteweyi ya Mafên Siyasî û Peymana Mafen Mirovan a Ewropa îmze kiriye û xwest Tirkiye li gorî peymanê tev bigere. Aras, da zanin ku ew dixwazin ku li welate hiqûqê bijîn.&nbsp;

	&nbsp;

	Serokê TGC'ê Turgay Olcayto, anî ziman ku li aliyekî muxalefetê bêdeng dikin û li aliyê din jî alîgirên îktîdarê serbest her tişti dibêje u wiha got: "Ne tenê nivîskar girtî ne. Niha 150 rojnameger û nivîskar girtî ne.&nbsp;

	&nbsp;

	GER KU AZADIYA ÇAPEMENIYÊ TUNE BE DEMOKRASÎ JÎ TUNE YE

	&nbsp;

	Serokê TGS'ê Gokhan Durmuş jî anî ziman ku kengî dixwazin rastiyekê veşêrin berê xwe didin rojnamegeran û wiha got: "Cihê ku azadiya çapemeniyê lê tune be li wir demokrasî tune ye."&nbsp;

	&nbsp;