
Girtiyê 101 roj in di greva birçîbûnê de: Heta em bi ser nekevin wê çalakiya me bidome 

2019-05-07 09:05:57


	EDENE – Abdulselam Zeren ku 101 roj in di greva birçîbûnê de ye, got: "Heta em bi ser nekevin em ê dev ji çalakiya xwe bernedin." Dayika wî Hanim Zeren jî, xwest ji bo kes nemire rojek berî rojekê tecrîd bi dawî bibe.&nbsp;

	Li Girtîgeha Jimare 3 a Tîpa T a Tarsûsê, Abdulselam Zeren (26), 101 roj in li dijî tecrîdkirina Rêberê PKK'ê Abdullah Ocalan di greva birçîbûnê de ye. Zeren, 2 sal berê hatiye girtin û 16 sal ceza lê hatiye birîn.&nbsp;

	&nbsp;

	‘BIBIN DENGÊ ME'&nbsp;

	&nbsp;

	Zeren, bi rêya dayika xwe Hanim Zeren bang li raya giştî kir û got: "Moralê me pir baş e. Heta em bi ser nekevin em ê dev ji çalakiya xwe bernedin. Em bang li her kesî dikin ku bibin dengê me."&nbsp;

	&nbsp;

	Dayik Zeren jî destnîşan kir ku ji bo tecrîda li Îmraliyê bi dawî bibe bi hezaran girtî bedena xwe daye ber birçîbûn û mirinê û xwest berî mirin çêbibe tecrîd bi dawî bibe. Dayik Zeren got: "Rojek berî rojekê bila tecrîd bi dawî bibe. Dilê me dayikan dişewite. Bila kes nemire."&nbsp;