
Malbatên çalakiya wan hat qedexekirin: Hiqûq ji bo we jî pêwîste

2019-05-06 14:47:17


	KOCAELÎ - Malbatên ji bo ku zarokên wan bijîn li ber Girtîgeha Gebze çalakiya nobetê xwestin li dar bixin, lê polîsan destûr nedin. Dayikan li ser vê yekê ji polîsan re gotin: “Hiqûq ji bo we jî pêwîste. Di dema xwe de gelek dozger û polîs hebûn. Niha hemû di girtîgehan dene.”

	&nbsp;

	Çalakiya nobetê ya malbatên girtiyên li dijî tecrîdkirina Rêberê PKK’ê Abdullah Ocalan di greva birçî dene, ya di 9’ê Nîsanê de li ber Girtîgeha Sergirtî ya Jinan a Tîpa M a Gebze dest pê kir, dewam dike. Lê çarek din çalakiya nobetê ya malbatan hat astengkirin.&nbsp;

	&nbsp;

	Malbatên li ber Rêxistina Partiya Demokratîk a Gelan (HDP) ya Navçeya Gebze kom bûn, xwestin biçin ber girtîgehê. Lê polîsna hemû kolanên diçûn ber girtîgehê girtin û destûr nedan ku malbat biçin ber girtîgehê. Polîsan ji malbatan re gotin “Teqez ferman heye, emê destûr nedin hûn bimeşin û rûnin.”&nbsp;

	&nbsp;

	‘ME GELEK DOZGER Û POLÎSÊN MÎNA WE DÎTIN’

	&nbsp;

	Dayika Newroz Bozkûrt a li Girtîgeha Gebze di greva birçîbûnê deye Sûltan Bozkûrt, got: “Ji bo xwedê, êdî em hewl didin ku zarokên me bijîn, ji bo çi hûn wisan dikin?” Polîsekê li ser vê axaftina dayikê got: “Behsa xwedê neke, ger tuyê behsa xwedî bike, cihê te diyare.” Dayik Bozkurt jî ev bersiv da polîs: “Hiqûq ji bo we jî pêwîste. Di demê xwe de, me gelek dozger û polîsên mîna we dîtin. Niha hemû di girtîgê dene.”

	&nbsp;

	‘YA HÛN DIKIN BÊHIQÛQIYE’

	&nbsp;

	Ji Komeleya Hiqûqnasên Ji Bo Azadiyê Îzzet Kiliç jî, diyar kir ku ev qedexe ne hiqûqiye û wiha bertek nîşan polîsan da: “Gelo vê qedexê li gorî kî dikin. Hûn niha qanûnan bin pê dikin. Ev dayik tiştek nakin.”&nbsp;

	&nbsp;

	Malbatan heya demekê çalakiya xwe li ber kolanên diçin girtîgehê dewam kirin û dûre vegeriyan avahiya Navçeya HDP’ê ya Gebze û diyar kirin ku ewê sibê jî çalakiya xwe dewam bikin.&nbsp;

	&nbsp;