
Doza belgefîlma ‘Bakur’ hat taloqkirin 

2019-05-02 16:57:38


	&nbsp;

	ÊLIH – Danişîna doza derhênerên belgefîlma “Bakur” Çayan Demîrel û Ertugrul Mavîoglu hat taloqkirin.&nbsp;

	&nbsp;

	Dadgeha Êlihê derbarê derhênerên belgefîlma “Bakur” Çayan Demîrel û Ertugrul Mavîoglu de bi îdaya “propaganda rêxistinê kirine” dabû vekirin li 2’yemîn Dadgeha Cezayê Giran a Êlihê hat dîtin. Ji her du derhêneran re heta 5 salan cezayê hepsê tê xwestin. Demîrel û Mavîoglu li gel parêzerên xwe beşdarî danişînê bûn û Parlamentera HDP’ê ya Êlihê Ayşe Acar Başaran, Parlamenterê HDP’ê yê Stenbolê Ahmet Şik û gelek derhêner û sînemageran doz şopandin.&nbsp;

	&nbsp;

	‘BI ÎFADEYÊ POLÎSEK HAT VÊ MERHALEYÊ’&nbsp;

	&nbsp;

	Dozger mutalaya xwe dubare kir û xwest Demîrel û Mavîoglu bên cezakirin.&nbsp;

	&nbsp;

	Demîrel parastina xwe ya nivîskî pêşkêşî heyeta dadgehê kir. Parêzer Meral Hanbayat Yeşîl jî da zanîn ku belgefîlma Bakur li çar aliyên Tirkiyeyê hat pêşandan û tenê li Êlihê li ser îfadeyên midurek polîsan mijar hat vê astê.&nbsp;

	&nbsp;

	‘DI SERDEMA AŞTIYÊ DE HAT KIŞANDIN’&nbsp;

	&nbsp;

	Mavîoglu jî parastina xwe ji danişînek din re hişt. Parêzera Mavîoglu, Rozerîn Seda Kîp jî parastina ji bo miwekîlê xwe nivîskî pêşkêşî heyetê kir û bi bîr xist ku belgefîlma Bakur di serdema pêvajoya aştiyê de hatiye kişandin.&nbsp;

	&nbsp;

	DANIŞÎN TALOQ BÛ

	&nbsp;

	Piştî parastinan heyeta dadgehê ji bo naverok dosyeya lêpirsîna derbarê derhêner Mavîoglu de di sala 2018’an de hatiye destpêkirin bê lêkolînkirin danişînê taloqî 18 tîrmehê kir.&nbsp;

	&nbsp;