
Doza Panzêrê hat dîtin: Polîsê bersûc dîsa dest bi wezîfeyê kiriye

2019-05-02 12:32:59


	ŞIRNEX – Danişîna 8’emîn a doza birayên hev Yildirim ku polîsan panzêr li wan qeliband û kuştibû hat dîtin. Parêzeran bertek nîşanî rapora ji bo polîsê bersûc hat amadekirin dan. Polîsê bersûc Omer Yegît got wî ji nûve dest bi wezîfeyê kiriye.&nbsp;

	Di 3’ê gulana 2017’an de li navçeya Silopiya Şirnexê polîs Omer Yegît panzêrê li Muhammed (7) û Furkan Yildirim (6) qeliband û ew kuşt in. Danişîna 8’emîn a doza derbarê polîs Omer Yegît û amirê ku wî wezîfedar kiribû Murat Maden de hat vekirin li 2’yemîn Dadgeha Cezayê Giran a Cizîrê hat dîtin. Her du polîs jî bêgirtin tên dirazandin û ji sûcê “Bi qisûr bûne sedema kuştina gellek kesan” tên darizandin û ji 2 salan heta 15 salan ceza tê xwestin.&nbsp;

	&nbsp;

	Piştî kontrola nasnameyan danişînê dest pê kir. Rapora “hindik bi qisûr in” a derbarê polîsan de li dosyeyê zêde kirin. Her du polîsên bersûc, parêzer û bavê her du zarokan Mesût Yildirim doz şopandin.&nbsp;

	&nbsp;

	SÛCDAR MIDURÊ EMNIYETÊ NÎŞAN DAN&nbsp;

	&nbsp;

	Di danişînê de ewilî Omer Yegît axivî û îda kir ku di bûyerê de qisûrek wî nîne û rapora derbarê wî de hatiye amadekirin qebûl nekir û îda kir ku rapor bi nakokî ye.&nbsp;

	&nbsp;

	Bersûc Murat Maden jî rayedarên paye bilind ferman dane wî û yê fermana esil da midurê emniyeta Silopiya Selçûk Erdogan bûye. Maden got di raporê de behsa vê yekê jî nayê kirin.&nbsp;

	&nbsp;

	Parêzerê bersûc Murat Maden jî bal kişand ser îfadeyên miwekîlê xwe yên berê û îda kir ku sûcek miwekîlê wî nîne.&nbsp;

	&nbsp;

	Bavê zarokan Mesut Yildirim jî axivî û got gilîkirina wî didome û rapora derbarê polîsan de hatiye amadekirin qebûl nake.&nbsp;

	&nbsp;

	PARÊZERAN BERTEK NÎŞANÎ RAPORÊ DA&nbsp;

	&nbsp;

	Parêzerên malbata Yildirim jî bertek nîşanî raporê dan û gotin divê kesên ferman jî dane yanî berpirsên rastî bên darizandin. Parêzeran xwest Saziya Tiba Edlî an jî Zanîngeha Teknîkê ya Rojhilata Navîn raporek ji nûve amade bike.&nbsp;

	&nbsp;

	Dozger jî xwest kêmasiyên di dosyeyê de temam bibe.&nbsp;

	&nbsp;

	DÎSA DEST BI WEZÎFEYÊ KIRIYE&nbsp;

	&nbsp;

	Herî dawî mafê axaftinê dan Omer Yegît û got ji nûve dest bi wezîfeyê kiriye û xwest kontrola serbestiyê ya li serê tê pêkanîn bê rakirin.&nbsp;

	&nbsp;

	DAXWAZA PARÊZERAN RED KIR, DAXWAZA BERSÛC QEBÛL KIR&nbsp;

	&nbsp;

	Dadger daxwaza raporek ji nûve red kir û biryara îmzekirina mecbûriyeta bersûc Yegît bê rakirin. Dadger danişînê taloqî 31’ê gulanê kir.&nbsp;

	&nbsp;

	&nbsp;